三月份真係好長, 到依家都仲未完. 呢個三月, 忙到氣到無, 每日返工就係咁趕趕, 全日就係對住個電腦, 眼都濛晒, 甚至覺得近視都加深了,
所以擒日走咗去驗眼, 好彩無深到. 跟住亦都忙到無咩時間上wow, 好多時只係略略快睇, update下大家的近況便算.
仲有四天, 三月份便完結, 跟住便進入好開心的四份 ~ 我的生日月!!
星期六同老公plan啲活動時, 望著個月曆就好奸咁笑住對老公說, 我成個四月的星期日都返唔到奶奶家食飯, 可以成個月唔駛見奶奶,
hehehehe....
april 3 ~ 奶奶同啲孫去雅居樂 + 我農曆生日同我媽媽食buffet, 唔駛見奶奶, yay!!
april 10 ~ 美國朋友 + 自己生日飯, 唔駛見奶奶, yay!!
april 17 ~ 同老公去了上海, 第一次生日是在旅行中渡過, 超開心. 唔駛見奶奶, yay!!!
april 24 ~ 教會camp, 唔駛見奶奶, yay!!!!!
仲要叫老公唔好提奶奶我生日 (我覺得佢係唔記得我生日), 咁就唔駛同佢食生日飯. 上年佢話請我食飯, 最後我揀了太平館, 因為佢鍾意食,
但其實我係勁唔鍾意去太平館. 但我想食的佢係唔會鍾意食, 咁又何苦請我食呢...所以最好就係佢唔記得, 咁就唔駛食嘞!
