無聊對話

擒日同個一pair 夫婦朋友連佢兩個仔一齊食早餐.

大仔都3歲, 當年佢還小既時候呢, 我都幫手餵過幾次奶

細仔3個月, 咁我食完我份早餐, BB媽媽就問我好無幫佢餵奶, 等佢可以食早餐 (well...其實唔明做乜唔叫佢老公做啦!)

咁我又無所謂, 餵BB都幾好玩, 呵!

我叫老公幫我影相, 等細BB第日知道我餵過佢飲奶

然後老公忽然就講咗句說話, 造成以下對話

老公: "突然好想做壞事!"

我: "................................."

我: " 做咩壞事都得, 你唔好叫我同你生個仔就得了."

老公: "嘩..做咗呢件壞事, 我就以後唔可以再做其他壞事了."

大家估唔估到佢想做咩壞事呢?

我都係收咗皮既小煮婦

哈哈...ella姐一星期煮到四五日都收咗皮, 我就收晒皮了.

呢排我都好少煮飯, 光波爐應該响度喊緊.

一向星期六日都會出街/返奶奶家食

平日又會有一日返我媽家食, 即係得番四日

跟住又會有一兩天老公無啦啦話好想食乜乜乜乜乜就出咗去食

然後最近老公又發現樓下街巿燒味檔, 單拼燒味飯只係$15蚊

我同佢一人一盒, 再買斤菜都只係$40蚊

食飽兩個人之餘, 都仲夠我响每盒飯畢啲飯同餸留第二日帶飯

真係抵到無敵呀!

所以一懶唔想煮飯, 我都會提出買燒味飯

就係咁, 小煮婦就收晒皮, 啲光波爐呀, 忟煲呀....就各自獨憔悴了.....

最後亦因為咁, 啲煮技亦退步了

擒晚煎條倉魚煎到黑忟忟又唔夠味

唉.....可能都要一段時間唔會見到我post食物相上來獻醜了

(哈哈....美佛屎最開心啦! 唔洗同我絕交了...呵呵呵)

柱候牛腩

跟網友仔easy既食譜, 制作了柱候牛腩.

早一晚炆落放入真空煲, 第二日食, 正到不得了!

牛腩固然入味, 啲蘿蔔簡直不得了呀!!!

更重要係我老公話我煮得好過奶奶, 佢話奶奶炆既牛腩好油, 好杰.

我諗因為我唔咪用肥腩/坑腩果啲!