其實都返咗嚟幾日啦!
不過總係無咩心情打blog,
同搞啲相.
最後擒日都post了第一日既相上fb,
都係是但搞,
無慢慢執.
今次歐遊,
無上年去澳洲咁好玩.
同奶奶咁三人行,
當然係一個原因.
另一個原因可能因為去澳洲,
係真係有得玩,
可以坐熱氣球,
四驅車,
直升機,
浮潛,
潛水.....真係個人去玩,
去參與.
但係歐洲,
仲要係東歐,
就只係睇風景,
睇建築物,
睇藝術.
可能真係我唔識欣賞啦,
所以有啲悶!
今次,
叫做12日,
去六個國家.
坐零晨機,
香港先飛6小時到杜拜,
再等4小時轉機,
再飛慕尼黑.
一到步,
便直接上旅遊巴去奧地利的薩爾斯堡,
即係莫扎特先生既出生地.
沿途啲風景都好靚,
有highway望落去,
山谷裡有啲橙紅色頂的小屋,
有間教堂, 好似畫一樣!
第一天看到呢啲風景,
全車人都"嘩嘩嘩....",
不過睇多幾日,
就開始無反應了!
跟住:
斯洛文尼亞,
睇碧湖,
都靚架.
在山頂的古堡食lunch,
再落去湖邊影相.
克羅地亞,
主要睇十六湖,
話比美九寨溝,
不過....sorry,
差幾皮! 呢日天氣最差,
整天大霧加毛毛雨.
匈牙利的布達佩斯,
睇漁夫堡,
同埋遊多瑙河!
維也納,
又返奧地利了!
睇了個音樂會,
去咗個公園同兩個偉大的音樂家的人像影相.
仲出咗啲血!
捷克,
我哋去咗三個地方,
古姆洛夫,
布拉格,
同卡羅維.
古姆洛夫最靚,
真係好似一幅畫.
布拉格...好多人都話好靚,
但我哋留得唔長時間,
我真係感受唔到有幾靚.
卡羅維係溫泉區,
但無得浸,
果樹的溫泉係要嚟飲的,
勁難飲.
德國柏林,
漢堡係最後一站!
到了柏林圍牆,
睇到當年被戰火燒過的教堂.
當然唔咪以上咁少,
其實幾乎每一個國家,
都有一個古城,
所以每一個國家都睇了一個古城.
又每一個國家都有城堡,
咁又睇咗幾個城堡.
再每一個國家都有個人民廣場/英雄廣場,
所以又睇了幾個廣場.
亦每一個國家都有無數咁多既紀念人像,
咁又影了好多像.
所以睇睇下,
就開始悶囉.
回程,
經歷了多於24小時既行程.
當地時間6號太約5點去到機場,
香港時間7號晚10點返到.
超辛苦!
仲有,
12日,
住了10間酒店.
每日都坐最少兩小時車去另一個國家,
都真係唔過癮.
行程略略講完.
有心機先再打details啲既遊記!
同奶奶去....唉....我唔可以講佢有煩我,
佢都唔咪好敢搞我,
我亦對佢敬而遠之,
好少同佢行埋一齊.
因為我鍾意聽導遊介紹,
所以我通常跟响最前.
就留番老公陪佢!
但有時又要扮下嘢同佢哋一齊行,
就搞到我聽唔到古仔,
又影少咗相.
由於保持距離,
所以當然無吵過啦!
咁我都唔會同佢吵既!
不過,
我實在好反目佢既旅行心態,
佢既心理質素麻麻地!
我明白,
老人家唔鍾意食西餐,
去歐美呢啲地方旅行,
都係無啖好食!
喂,
但係,
佢決定得要去,
就要有心理準備架啦!
再者,
佢係成日去旅行既人喎,
佢連埃及,
以色列都去過,
西歐佢又去過,
瑞士又去過,
美加又去過,
佢既腳蹤絕對比好多人多.
咁點解唔識入鄉隨俗呢?
去到人哋既地方,
梗係食人哋既食物,
好味唔好味,
都係一餐啫.
但佢每次食西餐,
就好似叫佢食屎咁,
黑晒面,
皺晒眉頭,
扁晒咀.
其實都唔咪啲咩難食嘢.
3個courses的西餐.
一開始,
一係湯,
一係菜沙律.
湯都好啲,
佢有啲熱嘢落肚.
菜沙律佢係完全唔掂,
因為佢唔食生的菜.
咁無法啦!
係佢個人喜好問題,
唔咪難食既問題.
主菜,
都係雞牛豬鴨魚啫,
都無話係咩鹿肉,
鴕鳥肉定"惡"魚肉.
都係正常响香港會食既肉類.
可是...魚話醒...雞話鞋(因為佢唔食雞胸...大佬,
人家鬼佬係食雞胸,
佢哋唔會啜骨囉),
牛又話人唔似牛,
係塊豬...好似無比佢彈過咁
(謝主隆恩!!!).
到甜品...又話太甜.
救命!
佢話....佢當年去埃及瘦咗11磅回去.
我心諗,
佢咁既食嘢態度,
去邊度都瘦啦!
最後,
連佢個仔都反眼,
唔理佢.
仲叫我影佢的黑面相,
等啲家姐知道.
嘻嘻
~~
如果比著係我阿媽有咁既態度,
我會一句得埋去"唔食罷,
餓死算.
一陣唔好叫我買嘢比你食!"
不過,
佢係奶奶,
所以我講
"都唔咪好難食啫,
咩都試下啦!
去旅行係咁架啦!"
我好怕人唔尊重食物.
以前公司有個鬼婆,
去食餐千幾蚊既dinner
回來,
同我講rubbish.
討厭到不得了.
唔好用垃圾嚟形容食物好唔好?
有好多人無得食呀!
望住啲食物黑面,
又嫌三嫌四,
都係好唔尊重食物!
仲有一件事,
去到匈牙利,
有一餐特色餐,
有民族舞睇,
其實幾好氣氛.
無錯...啲嘢食,
真係唔咪個個接受得到,
有大半團友都食唔到
(不過小女子食晒 
).
到甜品,
咁個侍應漏咗比佢,
因為長枱好長,
坐廿幾個人,
我哋坐中間,
漏咗...好少事啫.
但其實舊甜品好很甜,
我都只能食到兩啖.
佢就响度依依俄俄話人無比佢.
我問佢
"你食咩?"
佢話佢唔食.
但都係繼續依依俄俄.
我話叫佢比番你,
佢又話唔好!
妖...想點!
心胸廣番啲得唔得?
唔食咪唔好要,
人哋無上,
咪算囉!
嘈咩啫?!
relate
to 食物既...係咁上下啦!
其餘都無咩!
佢都只係比我
jip 過兩次.
一次係我在影湖,
無啦啦一擰轉面佢影我相,
仲要係好埋.
我好唔鍾意人咁埋影我,
年紀大了,
唔可以影近鏡嘛!
仲有唔鐘意唔問我就影我,
我都未擺我既招牌笑容出嚟!
所以
jip 咗佢一下!
另一次係落車,
佢拎住兩袋嘢,
佢膝頭唔好,
巴士又高,
我咪話幫佢拎袋,
其實啲袋係我既,
咁佢可以有手扶.
佢唔比,
我又
jip 佢.
佢明唔明,
佢唔比我,
會搞到我比佢個仔話.
做咩人哋既好意,
佢唔接受,
仲要搞到啲細難做呢?
最後,
真係啦,
佢個仔問我做咩唔幫佢阿媽攞嘢!
我咪發忟憎話佢唔比我攞囉!
好似都無其他了.
我見佢响附近,
佢個仔又唔知去咗邊,
我都會問佢要唔要影相,
幫佢影相架.
唔會完全當佢透明.
對佢都客客氣氣,
唔會粗聲粗聲,
亦唔會頂撞佢架!
但要我扶佢行呀,
繞住佢手行呀,
就真係未能做得到了.
算係咁啦!
