馬拉松後的謎團(內容有關屎尿屁,選擇性進入)

擒日的馬拉松, 給了我一個很大很大的問號, 唔知有無人解答到我.

問題是: 男人是否比女人更不能忍尿呢?

點解會有呢個問題, 話說起跑後無耐, 好快就入西九. 正式進入西九前, 有一段路的左邊是一個小斜波, 有啲樹. 其實由起跑到呢個位只不過係10 mins左右, 但係我就見到好多男人跑上個樹林疴尿, 有的在樹後, 有的就只背著跑道便算, 呢個時間, 我已經好迷惑, 做咩開跑前唔去, 開跑無耐就已經忍唔住要疴尿?

好啦, 正式入到西九公路, 其實沿途都有不少流動廁所, 但每次見到排隊的都只有男人. 是否因為女人怕污糟, 無得洗手, 所以死忍爛忍呢? 還是真係男人特別多尿疴呢?

跟住一路跑, 甚至有男人等唔切下一個流動廁而要在路旁疴. 去到中環, 亦有個男人在一條繁忙的天橋上疴尿. 因為封了一邊行車線比我哋跑, 個男人就背著我們跑的那邊, 望住對面線有車行那邊疴尿. 救命, 公德何在? 仲有, 係咪真係咁忍唔到呢? 我真係唔明. 當時我只想到, 佢玩嘢囉! 佢應該覺得可以係中環的天橋上疴尿是一種光榮, 佢跑完可以同朋友分享, 佢不單完成馬拉松, 還在路上撒了一泡尿, 耀武揚威一番. 頂 ~~~

其實馬拉松呢啲運動係超級體力勞動, 應該會狂出汗, 唔會有咁多尿先啱. OK, 即是因為天氣潮濕, 出唔到汗, 忍一下都得啩? 我哋係文明人, 總不應該在街邊撒尿囉.

今天我成功挑戰了自己

上一屆錯過了, 今屆又差點再錯過, 失而復得的資格, 今天終於跑了我人生第一次的馬拉松, 雖然只是半馬, 但能夠成功, 我已經覺得好開心了! 自小都好怕跑步, 因為每一次跑步都會肚子痛, 又討厭一身汗, 所以一直以來的運動都只是游水. 但後來因為要儲錢結婚, 又要減肥, 最平運動就是跑步. 跑下跑下, 又覺得都無想像中的辛苦和悶 (其實游水更悶, 跑步時還可以聽歌聽收音機), 便又繼續跑, 越跑就越長, 跳過十公里, 第一次便向半馬挑戰!

先講上星期到維園領取選手包, 其實當日有點不開心, 因為老公不陪我去, 覺得他好像不太支持我, 也不能跟我一同分享我的興奮和緊張.

 

老公甚至連比賽當天都不能到終點迎接我, 因為他要返學

不過最後, 都好開心他決定在返學前送我到尖沙咀的起點!

 

 

最後自己計出來的時間是2小時35分. 跟我自己預計的差不多!
好開心有兩個好姊妹來終點接我, 雖然人太多, 大家都看不到大家, 但心意, 收到! 之後便一起去lunch!
能夠完成, 真的好開心! 甚至比結婚還開心! 覺得挑戰了自己一個一直以為不可能的事! 下一個目標 ~~ 三項鐵人!! 希望有天能說服老公讓我參加!

 

嘻 ~~ 我好似中咗獎!

呢個獎絕對唔咪有咗! 大家唔好諗多咗!

呢個獎, 係話說新年前同老公去taste買嘢, 隨便買埋清潔用品啦, 咁有個花王姐姐話買滿$50就可以參加抽獎. 頭獎好似係雙人旅行package, 唔記得去邊鬼度了. 跟住有個獎就係送你一年免費花王的清潔用品. 原本都唔記得要登記. 年三十晚去阿媽度, 响樓下撳錢, 條隊成10個人, 見無無聊咪打去試下仲有無得登記囉! 又有喎! 於是就無無聊登記了.

頭先lunch有個姐姐打來, 問我係咪參加咗呢個抽獎, 同我對資料, 我咪問佢我係咪中咗獎囉! 佢話我中咗那個一年免費清潔用品呀!!!! 咁佢同我對完一堆資料後, 又問名, 又問身份證號碼(頭四個號碼), 就話一陣會再sms我攞獎日期時間地點. 跟住我啲同事聽到就問係咪騙人架! 佢哋(包括我)從來覺得呢啲抽獎係假的.

跟住我返到來咪上花王個網搵下, 但又咩都搵唔到. 就打去佢哋個marketing問係咪有呢件事. 佢話係, 仲比咗果個marketing公司電話我, 叫我打去問. 我又問佢會唔會係咩報紙登中獎人資料果啲, 等我有得睇. 佢話明天會在星島同standard刊登. 明天記得攞standard先! 照咁睇, 應該係真. 不過都係要等攞到手先可信. 呢個世界太多騙案了!!

如果真係中咗, 都幾開心. 一年免費清潔用品喎! 就算唔咪成日執屋, 洗衣粉, 洗潔精點都會要用, 一年都幫我慳番一千幾百. 真係開心!

又寫下情人節

婚後第一個情人節, 原本都打算搵間好啲既餐廳食餐好的晚餐(因為平時都食好平), 怎知想食的餐廳fully booked lu! 之後就再諗唔到食咩好, 亦就咁就放棄了!

上星期五, 同老公去了新翹行的夏生處買紅酒(對, 結了婚都仲搵夏生, 佢一定愛死我呢個顧客). 試咗好多唔同的酒, 最後訂了12支, 大約4-5款不同的紅酒, 作為我送比老公的情人節禮物. 跟住呢, 我就拉了佢去聯合, 買了一條發花癲patch work頸巾給我做情人節禮物 . 超鍾意!

 

 

 

格格都唔同架, 裡面total有552格, 真係好利害! 價錢亦係我唔捨得買的價錢, 所以要老公買比我!! 其實啲手工都值呢個價錢既!

跟住到情人節正日, 老公咁啱要去我工作的大廈見工喎! 於是便响公司等佢啦! 一等就等了個半鐘. 後來走咗落去商務睇書. 然後佢走落嚟搵我, 一見我就遞了一個捲到好似一支花的東西給我, 原來佢走咗去agnes b 買了個紅色手袋比我! 真係開心, 因為新年前响度搵手袋. 有一次响街見人拎, 大家都覺得幾靚. 估唔到佢走去買比我, 真係開心! 佢話今年係婚後第一個情人節, 都要隆重其事吓! 下年就無喎! 咁就下年先算啦!

是日晚餐, 去了赫德道一間叫norren的日本小店食. 當對面的萬豚肉排隊排到癲, 隔離的高級餐廳外又濟滿人, 一開norren門就已經有位. 小小的食店, 都係食豚肉, 幾好味, 老闆親切, 小店又溫暖, 不用排隊就食得更開心!

好早就返到屋企, 可以睇魚躍在花見! 好鍾意張智霖!

食食食食食, 係咁食...

食食食食食, 自從上星期五老闆farewell lunch去了美麗華食buffet後, 跟住一路都係食食食食食.

星期日晚, 奶奶家團年, 9個人12樣餸.

星期一 lunch, 同事相約去hi pot 打邊爐

星期一晚, 外婆家團年, 1x 個人1x 樣餸

 

星期二lunch, 美國大大老闆回美, 在樓下元氣一杯食了餐超正日本餐. 呢間嘢係美麗華四樓, 四樓的餐廳都係非富則貴, 所以一直唔敢試. 今次有公司比錢, 就揀咗呢度. lunch只得set, 但每一個set都好豐富. 我食了三文魚親子魚生飯, 魚生好新鮮好好味! 同事叫的其他嘢, 都覺得很好.

星期二晚, 到遠征屯門同阿爸同阿麻食團年, 茶餐廳, 無咩特別. 特別唔飽囉!!

星期三lunch, 有supplier來請食飯, 去the one的煌府, 飽到癲咗. supplier只係話點了條魚, 一碟菜, 同埋蝦餃. 咁我哋咪點多少少點心. 怎知, 先來了一窩蟹肉湯麵, 然後再來了個xx魚煲, 轉頭再出現兩碟菜 (結果total有三碟菜), 跟手再有青瓜牛展, 醉雞的出現....加埋我哋叫的小小點心, 食到反肚. 最後嚟埋條東星班, 唔止肚突, 眼都突埋.

過想講下, 雖然最近成日睇到有人彈煌府的飲宴差, 但佢哋中午的點心又幾ok, 起碼the one呢間真係幾得. 我食過三次, 三次都覺得不錯. 但service就真係有很大的改善空間. 我哋一枱8人, 坐10人枱, 有兩張吉椅. 好正常, 上菜都應該揀吉椅那個位置上. 但係班姐姐就個個都係要揀兩個人中間上菜. 另外仲有幾次, 有個同事在夾麵, 佢一手就好似玩"俄羅斯輪盤"咁轉個盤, 我自己都試過夾梗嘢比人轉走咗, 然後好無奈咁望住個姐姐仔....

今晚年三十, 同老公各自己媽媽家陪媽媽食飯, 再會合出去行花巿.

明天又繼續食!!

食得是福! 祝大家新年食得飽飽足足, 亦要食得健康, 成個兔仔年都健健康康, 豐衣足食, 笑口常開!!

十天後...結果係...

上次比過大家睇我公司樓下好凋零的桃花樹. 事隔十天, 都有番啲睇頭.

大門口那棵無影到. 不過都好過十天前, 但又沒有這兩棵好.

原來後門都有一棵細的. 但今大見到, 依然凋零. 可憐可憐!