請柬篇 ~~ Part 1

今日同酒店聯絡過, 請她將請柬的sample email給我, 怎知...晴天霹靂啊!!! 張請柬肉酸到呢....

基本上, 它只是一個橫放長方型的紅咭紙, cover就只有大大隻"請柬"字樣. 救命, 連最基本的囍字都無, 現在請什麼呀? 壽宴定滿月酒呢? 她說這是一張通用咭囉! 唔該晒! 所以現在要開始揀請帖的旅程了!!

 

一篇五年前的blog

同個fd在msn 傾計, 佢發現原來我有個msn space的. 嘩...佢唔講我都唔記得當年都好勤力的在那裡寫blog, 仲要九成係英文打的. 後來xanga的出現, 我便轉了去xanga. 又後來facebook的出現, 便沒再在xanga寫嘢了. 現在就到這裡, 這裡(WOW)又可以留我多久呢?

 

看到一篇05年11月的文章, 覺得是一個提醒, 也覺得很適合在這裡post給各新婚和就結婚的朋友們睇.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我雖然就未結婚, 亦無乜夫妻相處的心得, 但擒日看了一篇文章, 又想起我係那五天大會認識了一個牧師, 就有點有感而發.

擒日果篇文章, 係關於老婆應該何如尊敬尊重她的丈夫, 例如要多些讚美他, 尤其是係朋友; 又要在人前永遠都站在丈夫的一邊, 支持他, 即使他在朋友面對說錯了一些說話, 都不可以當面指正他, 甚至笑他; 不要當街或當眾罵丈夫, 取笑丈夫...其實好多人都知道呢啲, 又其實呢啲不單是夫妻相處之道, 亦都係人與人相處之道, 朋友間相處, 家人間相處, 都應該要彼此尊重, 總不可以開口埋口就一句的窒過去, 亦都不應該當眾羞辱他人. 有時候真的很累, 見到朋友, 第一句便窒過來, 他們可能覺得是講笑, 但你估我真係同你好屬咩? 又或者人大咗, 唔係好想講咁多笑, 窒咁多人同比人窒, 反而希望可以講下心事. 同埋有時候, 啲人會覺得佢係人地面前窒到你一下, 係一種榮耀, 但其實呢啲係唔尊重囉. 所以我真係希望我的朋友都會懂得尊重人, 而我亦都需要提醒自己要尊重人, 窒少啲人, 關心人多一些. 聖經都有說「你要人怎樣待你們, 你們便要怎樣待人。」如果世界每一個人都可以這樣的彼此尊重, 我相信世界會和平些, 又會開心些.

講番個牧師, 佢係我地Dallas分會資源中心的負責人, 叫沈志明牧師. 其實係星期六之前, 我都未見過佢, 只係喺星二的時候, 和他講過一個電話, 那時候仲覺得佢有少少惡. 之後星期四又同佢icq左一陣, 又覺得佢幾搞笑. 到星期六餐會的時候才第一次見佢, 同埋佢太太沈師母. 佢講嘢好搞笑, 唔知佢係牧師可能會覺得佢輕浮, 撩女仔, 但係坐喺自己太太隔離這樣的說話, 我就覺得係一種幽默. 到星期日, 有機會聽到佢分享佢係Dallas的事工, 在介紹佢既太太既時候, 佢當眾的稱呼她做愛人, 又當眾讚美她為美人, 又說到她如何的在他身旁支持她, 我再望一望沈師母, 我突然知道什麼叫做幸福. 看見她的笑容, 我覺得佢好靚. 或者別人會覺得她只是一個平凡的女人, 但一個女人面上有幸福兩個字比你見到, 有幸福的笑容, 真係好靚好靚. 我都希望可以有一個人令我幸福, 係幸福到別人都看得見同埋可以感染他人的.

我又看到另一篇文, 講到若要從表面看到一個男人成不成功, 看一看他身邊的女人幸福不幸福就可以知道.看見沈師母一個幸福靚樣, 我諗沈牧師就係一個成功的男人. 正所謂「修身、齊家、治國、平天下」就係咁即意思, 男人多數是一家之主, 如果他的性格, 人格是好的, 他身邊的家人, 朋友也都會受他影響, 他亦會有一個幸福的家庭, 又當每一個人也幸福, 開心快樂時, 他們身邊的人也會開心快樂, 天下便太平了. 唉...但世事會豈能如此完美呢? 還望每一毎人先做好自己, 先懂得尊重別人, 為身邊的人帶來幸福就好了.

繼續DIY

借了公司的GLUE GUN, 又可以開工DIY姊妹們的手花了.

有兩隻款, 一款係一朵大橙花, 另一款係三小橙花, 都各有特色吧!!

 

今晚先完成七朵. 明天又要去買多一束花, 便可以把手花和襟花的DIY工作真正地完成!!

租褂篇

昨天約埋未來奶奶一同到上海街永隆租褂.

 

早在上年11月曾經與一個朋友結伴去打探上海街三間傳統繡莊, 最後意決永隆, 因為價錢其實三間差不多, 但永隆老闆娘卻是最可親的.

 

去到先看一看相簿, 揀了一件心水的, 請老闆娘check檔期, 無問題便拿出來給我試. 另外也請她拿一件花褂給我試(因為有些基督徒覺得龍鳳係錯的東西). 最後揀了龍鳳珠邊, 有對鴛鴦在衫腳那套, 因為最fit, 穿得最修身! $500, 仲老屈老闆娘送了套睡衣比我!!

 

開心, 又完成一件事了!!

最後這樣說了

堂妹事件後, 爸爸在我生日那天發了一個電郵給我, 祝我生日快樂.

 

其實每一年他也會發這樣一個電郵給我, 我知道他記得我的生日, 我也知道其實他很愛錫我.

最後借這一個電郵, 我回了一個電郵給他. 除了為著不肯去堂妹婚宴說聲對不起外, 也告訴他我的婚事, 也讓他知道我和媽媽都不希望請他那邊的親戚, 希望他明白.

 

回了這一個電郵, 心情輕鬆了一點. 雖然不知道他會有什麼反應, 但現在總算說了!

 

求天父保守, 讓這事都可以有一個美滿和合理的結果!

最後一個單身生日

今年的生日是我最後一個單身生日, 很多朋友都叫我好好ENJOY, 留在FACEBOOK的MSG都係 Enjoy your last single birthday. 睇到呢句說話, 覺得很有趣, 講唔出有咩咁有趣, 真就真係覺得很有趣, 很得意!

 

Anyways, 好多謝各方好友的祝賀和衷心的祝福, 更多謝為我慶祝的好弟兄姐妹, 好朋友, 同好好男朋友啦!

 

今年都真係幾開心, 先在11號在麥當奴開了我人生第一次也相信是最後一次的生日會, 一共有16個好弟兄姐妹同我慶祝, 仲有一個麥當奴妹妹同麥當奴弟弟服務我哋啦! 好好玩, 好開心!! 其實我知道男朋友仔是想在正日給我surprise, 我知道他問過好幾間分店, 18號當天有無位, 可惜都滿座. 知道他的心意, 我真係覺得好開心架!!

未來奶奶也請我去他們一家最愛的飯堂太平館dinner呀!!

今年也同我的好朋友, 即是我的伴娘在朗廷酒店食了個超豐富, 也很好味的Dinner Buffet. 因為有張生日vourcher, 所以係買一送一, 原價每人$468+10%, 現在兩個人食了$561. 都幾抵!

另外有個好姊妹, 也是我婚禮姊妹之一, 偷偷地放了一個毛巾蛋糕和一包印有Happy Birthday的麥精入我的袋, 然後第二朝又再請我食了一個早餐, 真係好sweet sweet呀!!

最後當然係正日與男朋友仔進行"又係生日免費遊海洋公園"活動啦! 上年都係海洋公園, 生日免費, 可惜落雨落到我幾乎要喊. 今年再接再厲, 繼續免費遊! 昨天早上都有點雨毛毛, 都有打算放棄唔去. 但返完崇拜, 個天又清番喎! 便繼續行程. 在睇雀仔(其實係大鷹)的時候更有陽光添! 感謝天父啊!! 最後, 順利探過小熊貓, 娃娃魚, 揚子鱷, 安安佳佳樂樂盈盈, 大雀仔同埋好肉酸的爬蟲類, 然後搭埋新的海洋列車, 完滿結束. 下年不用再去了!!!

 

男朋友送的生日禮物, 是我帶他去買的青BB銀包一個. 當然鍾意呢...怎知返到家, 舊銀包的東西, 竟然不能全放入去喎...哎吔!!

最後最後一定要多謝天父給我愛錫我的家人, 朋友和弟兄姊妹!

堂妹結婚喎~~~

上回講過不知怎樣和爸爸講我要結婚, 更並不打算請那邊的親戚. 現在還有不夠半年, 我便要結婚了, 但還依然未跟他說.

 

上星期, 爸爸打來說堂妹在5月中結婚, 問我去唔去飲, 我說諗下先, 唔想去. 他便講一大堆什麼她是近親, 是堂妹, 是跟我們同姓的, 一定要去架, 因為真係好親喎! 我依然說諗下先.

今天他又打來問我去唔去, 我說不去...

爸: 為什麼, 親戚嚟架...

我: 要結婚才來認做親戚, 我都唔識佢哋

爸: 呢啲嘢雙向的, 你話人唔搵你, 人哋夠可以話你唔搵人, 咁打和啦!

我: 總之我唔想去啦!

爸: 乜你咁古板架!

一向都比較反感一啲朋友, 十年也不出現, 但到結婚的時候便懶好的出來, 送你一個紅色炸彈. 所以我話過, 我第日結婚, 一年都見唔到一次的朋友, 我是不會請.我唔想人家有同樣的感覺, 覺得我專登出來炸佢哋. 不希望 同樣, 我父家那邊的親戚, 活了廿多年, 見面的次數五隻手指用不盡, 走在街上也認不出來, 算什麼親戚呢? 我不願意去, 其實都正常吧! 還是, 我其實真的太冷酷呢? 其實我覺得, 爸爸真的不能怪我, 為何細個的時候, 他一次也不帶我們去認識呢班親戚呢? 甚至連過時過節也沒有喎! 直至某一年爺爺過身, 我才正式第一次見他們, 那時我應該已有十幾歲. 然後同年的中秋, 又見過一次, 之後便又十多年, 大約前年, 又突然出現一個表姊結婚, 又見一見, 第二年我哥哥結婚, 又見一見, 這一生, 只見過四次. 真是我的問題嗎? 是我不想見他們嗎? 細個的時候, 他不讓我們認識他們, 現在真的不能怪我.

堂妹結婚這件事, 又再使我煩起我結婚的事, 怎樣跟爸爸說? 怎樣跟他說不要請那邊的人呢?

煩

婚後新居

很感恩, 上星期四, 未來奶奶順利收回她在將軍澳的房子了, 這房子將會是我和朋友仔婚後的新居. 起初真的很擔心租客會搞事不搬出, 或會搞破壞. 他們已經步署好了各樣的行動. 但我們卻切切的祈禱, 求神可以讓這事有一個美好的結果, 盼望黑暗的行為不會出現. 結果, 租客只遲了八天便搬走, 而這八天也是頗有交帶的, 房子亦是完整無缺, 真是一個美滿的結果啊!!

 

當天晚上我們(其實是我)便急不及待去看看我未來的新居. 房子裡沒有我幻想般的各樣裝修傢俬一應俱全 ~~ 這應該不是幻想, 而是妄想! 打開大門, 遊了一圈, 全屋只有兩張未來奶奶剛買的摺椅, 和一陣濃濃的煙味.

 

其實房子給我的第一個感覺並不是太好, 可能因為那陣煙味, 也可能因為那個間在中間的主人房, 也可能因為暗暗和頗污糟的牆紙. 但想到不用四處找房子和擔心租或供的資金問題, 我實在不應該再說什麼.

 

過後的星期日, 未來奶奶又很心急地找了個裝修師父去視察, 讓師父一講, 她們好似打算把全屋的牆紙, 地磚, 木門, 厠所全部換過新的, 甚至那放在正中的房門也打算將它移位, 連厠所門也會移入廚房, 簡單一點, 全屋大裝修. 我心想, 沒廿萬, 也要十多萬吧! 我們那裡來這麼多錢

 

昨天師父約了朋友仔在公司附近午餐, 我吃過我的飯盒又走過去見一見師父, 也看一看那報價. 我簡直不敢相信師父給我們報的價錢啊! 如果不換地磚, 只是四萬多. 即使換埋地磚, 都只是多加二萬多, 甚至連廚房的組合櫃全也換上, 合共也只不過十萬. 晚上跟auntie晚餐, 她看到個價錢開心到食多兩啖飯!看來她應該打算由佢負責. 不過跟朋友仔都認為要負責一點點的開支.

實在太感恩, 神讓我們遇上很多好人, 讓事情都很順利!!

My Wedding Logo

我的wedding logo終於都finalize了. 多謝團契前導師maggie 姐姐作為我的替手, 將我的idea好活靈活現的展露出來!!!

其實都未知個wedding logo可以點用, 只是打算可能印在invitation card, 也影在教堂的指示牌, 也影在晚宴的枱號牌. 如果有錢, 其實好想在利是封, 請揀的信封都印下來...不過...嘻...都可以問下價.

 

 

復活節廣州之旅

復活節假期, 跟媽媽上廣州到聞名已久的婚紗街入貨. 多謝媽媽一句怨言也沒有, 跟我如走難般的抬我的戰利品回來!

星期日早上, 我們搭11:45的巴士直上廣州. 跟相識廿多年的姐姐在下車的酒店"華夏酒店"匯合, 填飽肚子便開始購物. 從華夏酒店走約10分鐘, 便去到一家餐廳, 吃飽後往外一看, 旁邊有一家買假花的舖頭, 逛了一圈, 再往旁邊一看, 竟然有一條深深的小巷, 裡面盡是各式各樣的絲花. 抬頭一看, 原來便是"藝景園", 絕對是不費吹灰之力啊! 我相信是因為姐姐知道我要買假花, 才帶我到這裡.

 

左看又看, 最後買了一箱48棵樣的花. 是用來DIY佈置教堂用的. 最後經過一輪講價是...每棵RMB 3.8 合共RMB 183. 花的左邊是珍珠紗, 也是用來佈置的. 超值. 1.5M X 43M 最後以RMB 90成交. 講一講香港價. 花...如果在JUSCO有得買, 最平都要$10. 即$480. 但我在JUSCO見不到. 珍珠紗, 在深水埗德祥$11一碼, 如果要買40碼, 也要$440. 珍珠紗是在一個叫海印的地方買. 那地方有一幾個轉買各式布匹的商場.

 

另外在藝景園也買了以下的:

囍字拖鞋兩對 - RMB 22

貼紙 (8張X50個) - RMB 28

然後姐姐買了我去另一個地方, 好似在一德路, 兒童樂園附近買了:

小利是封 400個 - RMB 20

中利是封 200個 - RMB 10

禮金大利是封 1個 - RMB 3

包羅萬有利是封 1個 - RMB 3

囍字吊飾 2對 - RMB 10

對聯 2 對 - RMB 20

 

最後亦在海印那布藝商場看中了這套大紅床上用品. 一看傾心呀! 傳統得來又沒有龍鳳或大囍的俗氣. 很簡淨. 等天氣好一點拿出來洗的時候再影相全相. 價錢, 一套七件 RMB 588. 老闆娘一開始開始RMB 888, 她說想早點開巿, 原價RMB 1488. 然後她見我猶豫不決, 再開RMB 688. 怎知媽媽仲狼...開RMB 488. 老闆娘當然唔肯, 便橫價RMB588. 我便說OK了!! 很開心買了這套東西, 因為真的很靚! 亦是因為這套沒有預期會買的東西, 我和媽便真的如走難便回香港. 兩個女人仔, 一個小行李箱, 這大套"床品", 一箱絲花, 還有那其他濕濕碎的東西...回到家11:30pm, 雙手幾乎要斷.

最可笑的是, 聞名已久, 位於江南大道的婚紗街, 我們是空手而回的!! 因為以上的東西, 也不是在江南大道買的. 又不過, 婚紗街也的確很多東西看, 婚紗的舖頭比尖沙咀的金巴利道多十倍. 而後巷的小舖也是成千的. 不過款式就......