今個復活節假期真的幾輕鬆, 輕鬆到精神好了, 皮膚也好了.
第一天
同老公生理時鐘作怪, 7:30醒了, 賴到8:30起床, 一同做些家務, 十時多打電話給奶奶諗住約她飲茶, 怎知, 她已和二家姐飲梗.
於是便轉戰我媽媽, 最後約了媽媽和姨姨1:30在太子飲茶. 之後去又一城買水鞋, 唉...這水鞋, 由三年前八百幾蚊唔捨得買,
到兩年和上年的九百幾蚊依然唔捨得買, 到今年的1080才去買, 真係覺得自己好低能. 不過呢對水鞋將會是我一生中唯一一對水鞋, 我唔會再買第二對.
買完水鞋, 同老公去探他的婆婆, 然後再陪奶奶食晚餐(真係陪她食, 我哋無食), 之後我哋便返受難節崇拜, 跟住先打邊爐, 超飽超滿足.
第二天
10:30才醒. 結婚後第一次放假整天留在家, 只是落去食lunch和買餸. 跟住老公砌模型, 我就做織女.
第三天
老公跟我返我教會的崇拜, 然後我便跟教會入浸會園camp (放老公兩天假). 前兩次參加教會camp, 自己團契的弟兄姊妹參加人數唔到. 但今年,
連小朋友, 共有13人參加. 好開心, 但又有點矛盾. 記得以前一齊去camp, 傾計傾到好夜, 會一齊去買嘢食, 會一齊參與教會預備的活動. 但現在,
只係傾到11:40pm, 有的已經要去湊bb瞓覺, 教會活動是時候, 又會因為活動唔啱小朋友, 會走咗出去同小朋友, 又會因為覺得悶, 即使無小朋友的,
都跟有小朋友的在出面現. 最後, 完全參與教會活動的, 就只有我跟另一個單身的姊妹, 我還跟她笑說, 其實只有我哋兩入camp 之嘛. 我們因為有13人,
所以都可以包晒一張枱, 望著她們, 有一個姊妹跟老公忙著餵一對仔女食飯, 自己又一邊狼吞虎嚥地食; 有一個姊妹, 又是一邊餵著九個月大的bb食糊仔,
自己又一邊單手食飯; 又有一個姊妹忙著湊人哋的仔仔食飯. 看著她們, 有好大感觸. 唔咪好識形容, 但原來自己已踏她們一樣踏入人生另一個階段了.
第四天
7:30便要起床, camp裡的床, ok, 但枕頭太扁, 所以睡得很差. 8:00食早餐, 9:00開始教會的活動, 到11:00自由活動,
同團友仔踩單車, 出一身汗, 爽. 跟住吃過lunch便起程回家. 2:00便回到家了. 可以休息一食, 再去買餸煮飯比老公食.
今晚10:30要瞓.
