經典邀請 ~ 續集

上集, 我咪覆咗果條友, 話佢响我張相邀請人無誠意既.

佢竟然覆我......

"相中有5個識"

原本, 我好想回佢 "咁唔該你自己聯絡你認識果五個"朋友", 不要在我的相中"邀請"吧!"

但後來我覺得同呢啲無恥之徒講嘢係無用, 所以我將佢响將相的comments都deleted了. 佢污染(或者強姦都得)咗我張相.

經典邀請

將要結婚的朋 友, 你哋千萬唔好咁做. 唔適當架!

 

話說我上星期日同一班fd食生日飯, 影咗啲相, post咗响facbook, 亦有tag番啲人. 咁當然就有啲人留言, 除了我識既人留言, 仲有啲係唔識的, 係被tag的朋友的朋友.

 

其中有一個人留咗個好特別既言 "我想請相裡的認識的朋友去我的飲宴, 你哋會來嗎?"

响自己fb度邀請人都ok, 當event出, 又或者响status度當announce自己要結婚, 問有邊個會嚟, 都正常, 亦ok既.

 

但响人哋post既相裡問, 係咪有啲奇怪,亦唔係好啱呢?

結婚係認真既事, 想請人, 咪大大方方打電話或者send個msg問人囉, 硬住頭皮被請食檸檬都要架啦! 有咩理由响一個唔識既人既相裡問呢?

我睇完, 只諗到句"痴Q線" 佢囉! 最後, 回咗佢: "我唔識你, 但你响我張相邀請人去你既飲宴, 係咪少咗啲誠意呢?"

我又畫下畫

想玩呢個數字油畫好耐, 終於上星期同個fd一齊買咗幾幅, 我要一咗一副, 擒晚啲起心肝, 執好張枱, 開壇作畫!

一開幅畫出嚟, 第一個感覺係 ~~ 捉蟲. 乜啲格咁鬼細, 實填出界啦! package裡有兩支畫筆, 一支粗啲, 一支幼. 後來用幼果支油細格, 就感覺好啲.

 

 

 

睇怕我都要用兩個星期至一個月先可以完成. 加油!!

 

同場加影:

比老公哦咗我好耐的青蛙仔, 終於到手. 特別鳴謝澳洲小姐mavis幫忙搜尋及購買.

 

 

 

故事係, 我去澳洲, 見到一啲得意公仔都會影, 我個低B老公, 就話我做咩唔買公仔比佢. 話我明知佢鍾意呢啲公仔, 都唔買比佢. WELL...我唔咪唔知, 唔知既話, 都唔會影比佢睇. 我只係唔想助長佢買公仔既習慣.

結果, 我就比佢哦咗我就快半年. 曾經請一個一月去澳洲旅行的朋友幫我, 可惜去到同一個地方, 青蛙仔已經走咗. 本來想上網睇下啲AMAZON有無, 就搵到呢隻, 但係個shipping cost貴到痴根. 最後同澳洲小姐mavis傾開, 原來佢見過, 就請佢幫我買. 真係百萬二分感激. 你化解了一宗家庭紏紛!

我趁老公去沖涼放响佢電腦上面, 佢見到當然好surprise, 好開心啦! 希望佢以後唔好再為呢隻青蛙哦我了!

隔山打牛

上次提到公司 8 人, 前兩日, 我利用咗一個機會隔山打牛咁話佢, 唔知佢聽唔聽得明呢?

話說佢同我講, 有個隔離team的同事約佢星期五食飯, 問我有無興趣, 又講話呢個同事想問關於我哋team一個就走既同事既嘢.

 

我就同 8 人講, 我唔鍾意同呢個同事食飯, 佢太 8 了. 佢又唔同我哋同team, 又同那個將走人無咩工作關係, 人哋走, 關佢咩事啫? 我又話埋, 上次食飯, 那個同事已經好煩, 佢自己又唔識我條team的人, 又無咩工作關係, 連邊個打邊個都唔知. 咁食飯時, 我哋講起一啲人, 佢就係咁問邊個嚟呀? 形容比佢聽佢又無idea, 咁好心佢收聲唔好問啦, 靜靜哋聽唔得既. 跟住我又順手同 8 人講, 話我最憎啲人咁 8, 咩都問, 連唔識既人既嘢都要問, 討厭到死. 最後, 佢以一句, i agree with you, 我哋既對話就完了.

 

希望佢領悟到我係話梗佢啦! 依家, 我儘量日日帶飯, 唔想比機會佢叫我一齊食. 廢事煩.

戒指是

睇見ecchan同老婆咁鬧, 睇到心到up埋. 其實兩公婆, 尤其老婆大肚, 老公又剛剛創業, 大家都會有一定程度既壓力, 呢個時間, 真係要多啲體諒同關懷對方.
朋友sent了一篇blog比我, 我覺得好有意思. 當大家好嬲自己老公或老婆的時候, 不況望望手上的戒指 ~~
轉載 ~~
戒指是~戒~掉~指~責~別人的手

戒指是「戒」掉指「責」別人的手！
別再常說你原諒別人的錯了！
因為 妳不知道
別人卻常常在原諒妳的錯呢!!
戒 指
曾聽一位牧師對
即將步入婚姻的新人說：
「戒指」就是
「戒」掉「指」責別人的手
這句話有如當頭棒喝
讓我對「戒指」的定義有新的詮釋
俯首看著手上戴著的戒指
原來它除了是定情物之外
還有另一個提醒
就是「戒掉指責別人的手」
每當我想指責別人時
「戒指」就會像暮鼓晨鐘提醒我
少責備 多體恤
這對家庭和任何人絕對都有益處
「戒掉指責別人的手」
這句含意真的相當不錯
不只是在婚姻中
就連生活中 若能時時提醒自己
相信也能與旁人減少 許多磨擦
因此
別再常說你原諒別人的錯了！
因為 妳不知道
別人卻常常在原諒你的錯呢!!

公司 8 人

睇完BBduck的公司奇人異士, 我又諗起啲嘢.

我轉嚟新工都已經10個月了, 但真係熟的同事仍然係零個. 最多只可以講同我既上手熟啲, 佢轉了role, 但仲係坐我隔離, 所以隨時可以問佢嘢. 佢响公司做咗好耐, 所以知好多嘢, 同好多同事好熟. 佢有時都會同我講啲是非嘢, 但我唔會主動問.

 

我公司大, 人多, finance dept女人更多, 所以是非都多. 剛入閘, 我都已經立下心志做一個低調的人, 所以繼續我的帶飯習慣, 亦唔會坐响pantry同大家一齊食, 通常叮完飯就埋位睇電視食飯.

咁有一個早我一個月入閘既同事, 又係埋唔到堆, 咁就同其他都係新入閘的同事混熟, 我亦係佢目標之一. 當初都無乜嘢, 大家傾下公事, 佢又問下我一啲公司system上, 同policy上既嘢. 知既, 我都會同佢講, 而佢亦間中同我出去食. 但慢慢, 佢越講越多佢條team的人的是非, which 我係好唔鍾意, 咁講一次咪算囉, 但次次講, 間中又msg來申, 我就覺得禁唔鍾意, 咁你咪做囉! 都算, 現在成日得閒無事就send個msg來, 一開首就"just 88......." 然後就問我呢個人點, 果個人點, 公司係咪點....

 

我心諗, 其實佢知唔知我係咩位呢? 我做得EA, 做老闆既秘書, 的確我係會知好多嘢, 但我有我既工作操守, 我知, 但就算同佢幾熟, 都唔會同佢講, 真係唔該佢搞清楚. 再者, 次次嚟都just 88, 我真係好反感, 真係好想覆佢一句, " 8 乜 X 嘢呀?" 我又唔咪比佢响度做得耐, 我又唔咪比佢熟得人多, 我鬼知咁多人既嘢咩, 成日問我呢個點, 果個乜, 一來我唔知, 二來知我都唔會講人壞話囉. 好似最近有個同事要走, 佢又just 88, 問我有無聽過果個同事啲comment. 我係知, 亦係有聽過, 但人都走啦. 佢同人哋又無work relationship, 關佢 X 事咩. 所以我只係答佢, 無聽過, 同佢唔close, 但那"將走人" 對我好nice, 好helpful. 係咁, 就無再答佢.

呢排我已經好少同佢msg, 亦少咗同佢食飯. 連唯一的飯腳都無埋. 不過我真係唔想咁8 囉.

其實我都幾易被人氹到

頭先落銀行攞日元, 我係可以排perferred banking既快隊, 但銀行無乜人, 原本有一個perferred 位既哥哥剛好收工, 普通位個哥哥就招了我去, 我一埋去就話, 我唱外幣喎. 你做咩? 跟住佢就尷尷尬咁話唔做. 果位正要收工既哥哥就話幫我做埋, 仲好好問我係咪仲要繼續攞埋日元戶口既錢(因為我用電滙, 個rate好啲, 但要分幾日去攞). 佢就好幫手話幫我搞埋留錢, 等我明天同後天都可以有錢攞. 然後又懶好傾咁話我咁叻用電滙攞靚rate.

之後....

佢就開始說我申請張銀聯信用咭. 我已經碌大眼話: 又申請, 我有你哋兩張咭, 好似已經有張銀聯. 佢check個system話無, 又話即時送我一個headphone, 有白有粉紅, 又話iphone可以用...well...我唔咪愛瘋人...跟住又話新咭一到, 第一個簽脹, 不論幾錢, 就會送個旅行袋比我.

其實, 我手上已經有七張信用咭, 主力簽的其實只有兩張, 每個月都只不過係2-3千蚊, 我要咁多咭真係把鬼....

但基於個哥哥仔咁幫手, 又咁好笑容, 又唔想同佢再纏下去...我都係申請咗.

個桃紅headphone...都ok啦! 就咁, 我就比人氹多一張咭放响屋企了.

日本國家旅遊局香港辦事處

四月假期我會去沖繩自駕遊, 咁一路搵緊資料, 同行朋友搵到鰂魚涌有個日本國家旅遊局香港辦事處, 咁我响鰂魚涌返工, 頭先趁LUNCH TIME就過去睇吓, 諗住攞張地圖, 想問下我個行程得唔得, 會唔會有門卷賣...之類

怎知....

上到去, 打開門...

 

 

一個人都無, 只係得一張枱, 一排格仔櫃, 放咗少少資料咁. 分好地區. 咁我再望下...噢...

 

 

不解答任何旅遊諮詢 , 咁呢間嘢响度做咩?

不外借火車時間表 我唔覺有火車時間表囉.

不影印任何資料 我唔覺有印影機, 又無人, 印咩?

不額外派發旅遊小冊子 我攞多幾份, 你都唔知啦, 都無人.

仲要講本局並非旅遊諮詢中心, 咁有無人可以講我知, 呢度係做咩? 响太古坊租兩個單位, 絕對唔咪平, 如果只係攞普通小冊子, 不如全部upload上網, 比啲人download咪仲好. 十萬個不明白.

anyway, 最後, 該辦事處有關沖繩的資料, 只有一份.

 

地圖. 好過無. 唔該晒. 好彩我响隔離返工啫, 如果我係專登過嚟, 只係得到一份地圖, 我會......嘔血.

大學勁子?

今日有個人嚟我公司interview, 之後我老闆話我知, 個candidate响面試期間, 用手托頭答問題囉!

我話...吓...都唔咪要求佢坐直直, 如果" i " 在椅背, 都算. 但托住頭答問題, 我真係第一次聽.

咁我就睇下個cv, 睇下係咪又係啲後生仔, 剛畢業出嚟做嘢(其實都唔會, 我哋請個post唔咪要fresh grad囉), 原來呢位先生都3字頭了, 畢業都接近10年了. 點解佢interview可以比啲咁既態度呢?

又話說, 佢唔咪自己apply我哋公司既post, 而係由我哋公司既recruiting dept 去"HUNT"佢回來. 之前約過幾次, 佢話佢响sydney出差中. fine, 咁約佢去我哋sydney office做video interview. 跟住又話由佢公司去我哋公司要兩個鐘喎! 我同我老闆講啦! 我老闆响澳洲回來, 佢話佢好想知個candidate個office响邊, 要兩個鐘先嚟到我哋公司. 咁又唔得, hr問可否phone interview, 我老闆insist 唔得, 因為無可能一次face-to-face都無就請過人回來(我老闆係最後一關). 咁我同hr講, 又多口講, 其實個candidate都要show啲誠意出嚟囉, 呢樣果樣都話唔得, 想點啫! 怎知個hr話呢個人係top candidate喎! 佢响出面market好大喎! 我心諗, 超, 咁你出去搵, 唔好嚟見了. 巴閉. 我老闆仲要話佢既experience 係irrelevant添囉!

最後問佢做咩想離開現在的公司呀? 佢答, 佢係我哋公司搵佢嚟見. 唔咪佢想嚟. well....其實佢唔想見, 真係可以唔嚟, 唔好晒大家時間.

原來一個top candidate既interview態度係可以咁! 祝君好運了!

半個鐘搞掂四餸

擒日心血來潮, 煮咗四個餸, 仲要响半個鐘搞掂, 都幾利害...

見上次响大澳買的金蠔都擺咗一段日子, 所以就攞出嚟食埋去. 老公好鍾意食香煎金蠔, 但上次佢自己整失敗咗, 今次等我出馬.

先用薑蔥水煮一煮的金蠔. 抹乾後用少少油煎, 到差不多睇落有啲脆身, 就底面搽蜜糖, 再煎一煎, 就ok. 好好味!

跟住再試煮多次上次煮得唔夠味的美極炒雞軟骨. 今次我爆香啲蒜蓉, 然後落雞軟骨, 炒到有九成半熟再落美極, 超香, 連啲蒜蓉都好有避風塘風味.

見上面兩味都唔咪好飽肚, 就煎埋豬扒, 好簡單, 只係响佳寶買咗兩塊香茅豬扒, 慢火煎熟就ok. 佳寶啲香茅xx 醃得唔錯.

最後係腐乳唐生菜, 都係好簡單. 記得用腐乳炒菜, 最後都係要落番啲salt, 釣啲味出嚟. 我原本唔知, 老公講的, 咁啱老公講果日, 織哥個節目又係咁講. 少少得架啦! 如果唔咪就會太咸.

最開心...當然係四碟餸都清晒, 而老公又讚好好味啦!