入廚樂 ~ 紅燒獅子頭

有日睇am730, 剪低咗個食譜, 睇落唔咪好難整, 於是就試下啦!!

以下是在李x記美味食譜copy出來的

 

 

 

材料

免治豬肉 [剁碎豬肉] 250 克
娃娃菜 200 克 [捌開菜葉] <== 我用咗小棠菜

豆腐 50 克 [搓碎] <== 一磚太多, 餘下的, 我燉的時候放埋落去煮, 最後啲豆腐好入味, 好好味
生薑 2 片
蔥 1 茶匙 [剁碎]

醃料

舊裝特級蠔油2 茶匙
粟粉 1 茶匙
糖 1/2 茶匙
蛋汁 2 湯匙

調味料

秘製紅燒汁 5 湯匙 <===呢個我都係用蠔油, 印象中我剪下來的食譜係寫蠔油
水 250 毫升

程序

1. 免治豬肉和豆腐加醃料拌成肉團至起膠，分成三粒獅子頭。 <==我打得唔夠膠, 煎既時候有啲散
2. 燒熱1/2杯油將獅子頭煎至金黃。盛起待用。
3. 娃娃菜在沸水中略煮，一半墊在砂鍋底，上放獅子頭，另一半留用。
4. 加入調味料，煮沸後加蓋轉小火燉煮1小時。
5. 開蓋加入餘下娃娃菜煮至汁濃。

第二幅油畫完成了!

隔咗差不多成年, 再完成多一幅油畫

今次好次有啲進步

不過今次呢幅易啲啲, 好似只係油咗3日

 

 

 

公司怪人趣事

公司嚟咗個怪人, 仲要係坐房高級人.

怪在, 我同我老闆同時都係聽唔明佢講咩.

我老闆就話, 不論中文好, 英文好, 都係聽唔明佢講咩.

每句說話佢都會帶我哋遊幾個花園, 問東答西

昨天就發生咗一件好有趣既事.

話說facilities個demo壞咗, 茶水姐姐攞住個蓋入嚟叫我幫佢打"Puerh" (普洱)

我話做咩?

佢話.....個蓋唔見咗 (我哋pantry有幾個裝茶包的玻璃罐)

我話.....吓....係咪有人掉咗呀?

佢話.....無, 我搵過垃圾箱兩次

...........

跟住今日, 佢同我講, 搵番個蓋, 有人攞咗! 仲知道邊個係疑犯

我問佢男定女 ~~ 男, 坐房

我第一個就諗起阿怪人, 因為咁耐都係第一次聽有人會偷呢個蓋, 好明顯係新人所為

跟住我就去佢房前的同事個位度扮傾計. 真係見個蓋响佢間房喎

............

我以為係墊水杯啦, 又唔咪. 總之就係攞咗人個蓋囉!

後來lunch time前, 見佢個EA向佢房攞番個蓋出嚟,

同事聽到佢個EA問佢攞個蓋嚟做咩, 可惜聽唔到怪人答咩

我真係好想知佢攞個蓋嚟做咩.

我同一個同事估係要嚟裝瓜子瞉

又有一個同事提議茶水姐姐去安全隊長(security dept) 報案 lost & found

其實....不論佢想用嚟墊杯, 定裝瓜子都好, 實在大可以攞個碟, 無理由攞個"使用中"的罐蓋囉!

好奇怪既一個人

入廚樂~~光波煲仔飯

喵仔傳授既光波煲仔飯!!

個鍋只係買番嚟4日就已經試了兩餐.

 

第一次係潤腸排骨飯, 好好味, 老公讚口不絕! 啲飯完全唔洗落豉油都好有味.

 

 

第二次係滑雞臘腸飯. 因為公司附近無雞檔, 所以去百佳買了四件雞脾

唔識斬雞, 所以只能一開二, 比較大舊

因為大舊, 又只醃得半小時, 所以唔咪好入味

無第一次咁好味, 但絕對唔難食, 老公都仲係話好好味!!

 

 

好好彩, 原本都問咗喵仔响邊度淘個鍋, 但老公唔比我用淘寶回來既嘢煮食, 咁就上德國寶搵.

嘿 ~~ 又比我搵到, 仲要減價. 原價$190, 最後我買係$95. 仲幫個fd買多個添.

去灣仔德國寶搵既時候, 見佢啲廚櫃好靚

如果第一廚房裝修, 一定要搵德國寶.

我條海參

好耐無講過卒卒. 佢响我家都住咗個半月, 都好適應, 仲越來越嗲.

因為我哋唔比佢入房, 所以每朝我一出房, 佢就會一路跟住我, 我去廁所, 佢就响我腳旁行來行去.

我入廚房, 佢又跟我入去, 我出, 佢又跟出 <== well...其實有少少煩, 朝早趕返工嘛!

有時我停响度, 佢就會用個頭撩落我腳度, 然後瞓低, 意思係要你摸佢.

有時, 佢响廳, 我望出去, 佢見我望佢, 佢就會即刻瞓低再自轉幾個圈, 意思都係要你摸佢

不過, 貓貓本性都係有啲cool, 有時想抱佢, 佢係會避, 又會移後.

呢啲情況, 我係唔會罷休, 直至捉到佢為止. 跟住我老公就話我煩住隻貓.

同全黑的貓貓影相, 真係好高難度. focus唔到之餘, 影出嚟, 就只係影到黑色一團嘢.

所以開始我都唔同佢影相了.

 

卒卒好鍾意瞓呢個盒, 其實係買空氣淨化機時包裝裡的盒.

 

一條海參

買咗呢個雞雞比佢, 擺咗好耐都唔入,

直至我拎走裡面既軟墊, 佢終於肯入.

入咗去...實在乜都見唔到

最近又月呢個新位比佢"long"住自己.

上咗枱既海參

 

 

 

好耐無煮大餐了!

應該都有一年無宴客, 嗯...係有啲原因既.

除夕果晚, 老公既fd話要嚟我哋度, 見係佢哋咋...因為呢班fd成日請我同老公食飯 <==好計算既心態.

咁我又煮了餐勁既.

上湯焗龍蝦 <=== 都好貴, 6隻, $300幾蚊. 第一次煮, 上網即睇即學即煮, 又ok喎. 個個都讚.

蒸扇貝 <== 果晚啲扇貝好大好肥好靚, 亦好貴. $250 有12隻.

煎金蠔 <=== 老公負責, 竟然比評好味過大澳蓮香

豉汁蒸倉魚 <=== 哎...失咗手, 差少少, 同埋攞出嚟時跣咗. 啲汁淡咗.

蝦乾冬菇炒紹菜 <=== 惠康買$3 條紹菜, 平到笑

纜菜肉碎炒豆豆 <=== 最無難度作品

光波豬手 <=== 在jusco買了隻醃了的豬手, 光波半小時, 好味到個個以為我响外面order回來