繼續馬拉松 ~~ 賽果

今日中午, 渣打已經post了賽果同埋啲相, 咁我又好興奮咁去睇. 可能lunch time時段, 又剛剛出爐, 所以網路超繁忙, 等了好耐先睇到.

最後大會計給我的時間是: 2小時38分33秒

點解比我計的慢成3分鐘呢?

半馬三個組別共4069人在3小時內完成. 我係排2827.

而我果組則有821人在3小時內完成, 我排430.

哈...估唔到係有名次. 如果擒日知, 奶奶問我跑第幾時, 我就可以答 2827 同 430 啦! 原來真係有得講跑第幾.

跟住仲有計到我半程(我估係10KM)的時間. 原來我只係用了51mins就跑了10km, 點解我跟住要用more than 1.5 hrs 去完成後半段呢? 咪就係因為我頭10km無影相, 後邊就攰攰地, 行吓跑吓又影吓囉. 下年如果再跑, 唔會再影相了, 要做番個專業的跑手先得.

跟住就去搵相. 原來都幾方便. 只要打自己個編號, 就會彈出來. 唔駛睇65,000張相(有65,000人參加嘛)去搵自己.

 

嘻...用print screen, copy在photoshop, 再chop出來. 好低的resolution. 但都見到我好醒目咁做定V字手勢去衝線.

HAHAHA....低能妹....

奇怪的夢

唔知點解, 自從同佢一家人去完旅行, 係布吉回來係, 到依家差不多兩個星期, 都無一晚睡得好, 每一晚都好多夢, 仲有幾次係甍現奶奶的.

夢一:

夢見奶奶塞了一袋衫比我 (大家記唔記得, 佢好"無微不至"架嘛!), 我話我唔要, 佢就叫我處理咗袋衫, 咁我就話: 咁我放上網賣啦! 佢又話唔好喎! 咁即係點呀? 好煩!

夢二:

夢見又同奶奶去旅行, 一行都頗多人. 最後回程過關, 奶奶係都要收晒啲人的證件, 話一次話幫我哋搞, 怎知人哋叫佢寫晒啲名出來, 佢又寫錯晒, 結果越搞越耐. 跟住仲要唔見咗其中一個人的證件. 越幫越忙, 又真係佢既絕技喎!

夢三:

哈哈...呢個夢唔關奶奶事, 但真係好搞笑. 擒晚老公好夜返, 佢返到來, 我都已經瞓咗好耐. 咁佢入來睇吓我, 我又醒醒地喎! 佢見我瞓到好怪, 因為瞓到好熱, 所以姿勢有啲獨特. 佢就問我, 你做咩呀? 我跟住答佢....我食緊海膽...點解會無啦啦食海膽呢...因為我瞓覺前睇緊雜誌, 介紹北海道的馬糞海膽飯, 好正好好味, 好想食, 所以就發夢去食海膽嘞!

今晚唔知又發咩夢呢?

繼續大開眼界

突然想起一件睇到我眼凸事, 不得不讓大家都眼凸一番!

 

話說我哋旅行, 有一餐晚餐. 其實果間餐廳都算多嘢食, 有泰式, 又有意式, 亦有美式的fish & chip, 咁應該都好易滿足各人. 果一餐, 一向食嘢yim 尖的大姐夫, 真係令我大開眼界.

 

佢叫了個炒飯, 叫既時候, 已經order要走洋蔥同蕃茄, 怎知飯來到後, 有一粒粒的蘿蔔粒! 開初大姐夫都無出聲, 慢慢挑, 但後來無啦啦舉手. 大姑奶就以為佢想投訴, 因為menu無寫有蘿蔔. 但原來大姐夫想問有無筷子, 筷子易揀啲粒粒出來. 但人哋無筷子, 大姐夫就好不爽. 最後大家姐攞咗佢碟飯過來, 逐粒逐粒揀啲蘿蔔粒出來.

大姐夫食嘢一向麻煩, 菜只食蛤菜心, 魚就只食剝皮魚, 所有鞋口的, 佢先鍾意, 唔食啲蒜呀, 蔥呀, 薑呀呢啲調味嘢. 但係, 出街食嘢, 去旅行, 總唔可以咁挑剔, 小小哋, 咪忍住食咗去算囉! 又唔咪食物敏感, 食咗唔會令你疴同嘔, 點解就唔可以食呢? 其實佢知唔知自己咁樣, 係幾黑人憎呢?

呢啲嘢, 我相信係佢父母竉佢而成, 但大姑奶, 其實係咪都應該要慢慢教佢老公改吓呢? 一方面要小朋友唔好揀飲擇食, 但個老豆就咁Q挑剔. 你話佢挑剔食好嘢都算, 最幣唔咪囉!

後來我同我老公兩個人時, 我同佢講, 如果你係咁, 我唔會睬你, 你要挑, 你自己挑, 一係就唔好食, 餓死罷就. 我老公答我, 如果佢係啲咁既人, 當初我都唔會嫁佢! 咁又係.

第一次家庭旅行 ~ 大開眼界

估唔到入門都未夠一年, 就要join佢哋既家庭旅行, 又其實佢哋以前從來無呢樣嘢, 係咪我命苦呢?

奶奶, 大姑奶一家四口, 二姑奶兩公婆, 加我同老公, 一行9日, 進行了7日6夜布吉之旅. 由一開始我同老公已經好唔想join, 一來我們上年先去過陽光海灘的地方, 二來同佢哋去真係會好煩. 結果我哋以無假無錢為理由, 遲他們兩日出發. 他們星期日晚出發, 我哋倆就星期二晚出發.

其實成個trip我都儘量唔出聲, 佢哋想去邊, 我就跟去邊, 佢哋要我同啲小朋友玩水, 我就同啲小朋友玩水, 只要佢哋唔好阻止我狂晒太陽, 成日叫住我塗防曬, 又或者阻止我去學潛水, 佢哋想點, 我絕對可以絕合. 不過成個trip就真係睇到好多嘢.

愛子女過份深的大姑奶~~

話說出發前, 大姑奶話去到布吉會穿長袖潛水衣, 怕曬喎! 我心諗, 大佬...怕曬就唔好去布吉啦! 咁靚既沙灘同海, 著潛水衣會唔會太肉酸呢!? 你咁愛美白, 布吉真係唔適合你囉! 最後去到, 佢都無穿潛水衣, 但就無時無刻補防曬...海水就此被嚴重污染. 都唔止, 係咁迫自己兩個仔女塗,倆個細路開初唔肯, 話好"立", 就係咁哦哦哦...哦到佢哋就範為止. 其實小朋友都十歲同九歲, 佢哋選擇唔塗, 咪由得佢哋囉! 我覺得曬吓又唔會死人"林"樓, 咪由得佢哋試吓曬紅甩皮的感覺. 佢哋試過, 知道, 下次就識保護自己. 咪第日大個, 同朋友仔去玩, 無阿媽迫佢提佢, 曬傷了先知咩叫曬傷囉! 我由細到大, 不知曬到甩皮幾多次, 咪又係大大隻, 健健康. 做咩咁小小嘢都唔可以比啲仔女自己經歷下呢?

跟住, 我相信呢兩個小朋友係好少去沙灘. 要落水, 去深啲游得水的地方, 就梗係會經過淺水, 有沙石貝殼果層沙. 阿女話吉腳, 阿媽就抱住佢落去踏過吉吉石果層. 最後, 一個大浪過來, 兩母女一同企唔穩, 阿媽仲飲咗幾啖咸. 個女都九歲, 仲要係已經好大隻, 仲要阿媽包落水. 又怕吉, 又要游, 就咪落水, 自己係沙灘玩沙算啦. 我唔明我大姑奶做咩. 根本呢個就係一個好好機會教個女. 人生都係咁, 會經歷一層又一層的沙石, 父母總無可能每次都抱佢哋過去, 點解唔教佢自己諗方法過咗呢啲吉吉地方呢? 我細個時, 去沙灘, 都唔鍾意呢層吉吉石, 我咪著埋拖鞋落去, 去到軟的地方再掉番對拖鞋上水囉.

我萬估唔到, 我大姑奶假假地讀名中學, 做head perfer, 資優生上大學, 現在都係一個管理層, 但原來都係一名堂堂正正的怪獸家長囉.

無微不至的奶奶~~

我真係唔咪好再頂得順佢. 同佢一齊耐啲, 我真係會覺得自己好無能. 話晒我都去過無數咁多次旅行, 又叫做出過國留學, 佢好似覺得我係唔識照顧自己. 或者佢覺得我照顧唔到佢個仔啩! 第一晚返到去, 就遞塊mask過來比我. 我話我自己有帶, 佢就好奇怪咁放咗係張枱度, 兩日都唔攞番. 我覺得佢係發我脾氣, 唔領佢情. 大佬, 呢啲嘢, 你駛唔駛理呀? 我敷唔敷mask, 靚唔靚, 其實唔咪太關佢事囉! 況且我都有帶啦! 我唔要, 你咪比你哋愛白女double咁敷囉.

跟住, 我哋有兩日join了啲local tour 去pp島同攀牙, pp島佢哋一早幫我哋報埋, 攀牙就等我哋去睇資料先決定. 我見都幾好玩就join. 咁要比錢啦, 我問我要比番幾錢, 奶奶就話我哋兩個只要比4400泰銖, 但其實每個trip, 每人係要2200, 咁兩人兩trip, 應該係8800. 奶奶就話只要比第二個trip, 第一個trip佢津貼我哋. "津貼", 我對呢個字好反感. 我兩公婆有工作, 係賺得唔多, 但點都叫有份工作. 奶奶已經退休多年, 點樣都唔會係佢津貼我哋啩. 佢做咩要咁做呢? 我唔知點解, 我真係好反感, 我覺得好侮辱. 我哋賺錢唔夠大姑奶同二姑奶多, 但我點都儲到啲錢, 去個旅行我都夠, 儲唔到錢的係佢個仔, 但我幫佢比埋都無所謂, 但真係唔需要一個退休人仕來sponsor我囉! 真係好反感好反感好反感. 後來我安慰自己, 算, 呢4400就當佢sponsor佢個寶貝仔好了, 當佢個寶貝仔兩日的trip都係由佢sponsor. 我自己出的4400就係我自己兩日的trip好了. 我唔要咁受佢恩惠!

再跟住, 因為我哋遲佢哋兩日到, 佢哋第一日有機會去買手信, 又怕之後無機會, 就上倉咁, which is fine! 我無微不至的奶奶又出手, 話幫咗我哋買咗啲. 第一, 佢知我想買咩嗎? 第二, 佢知我要買幾多嗎? 你買啲唔買啲, 如果我哋最後去唔到買, 咁佢幫我買果幾包, 我都唔知點分. 最後, 我哋最後一天去機場前都去到手信店, 又買咗啲. 奶奶佢一路都提住話佢幫我哋買咗啲. 所以我就無咩點買. 最後佢返到家, 拆箱, 發覺自己都唔夠分喎! 好嘢....我最後咪就係比佢搞到分配唔到手信送比人囉! 真係唔該晒佢!

佢哋家人其實都幾成日鬧交, 成日都會為啲好小的事鬧交, 好多啲都係因為某人的態度唔好, 又有人唔抵得頸就去頂咀, 跟住就燒起來. 旅行啲呢嘢, 就必定唔少得會鬧. 所以大多數時間, 我都會配合佢哋, 亦都少出聲, 更加會有咁遠行咁遠. 怎知, 我奶奶回來後, 同佢個寶貝仔傾電話時, 竟然哭訴話個trip去得佢好委屈, 話佢個新抱係窒得佢最多果個. 我就真係好大的怨屈了! fine...原來佢啲女兜口兜面鬧佢, 話佢, 佢就ok, 就可以接受. 我唔出聲, 間中回一兩句笑話, 佢就覺得我窒佢. 好啦! 咁我以後去到佢哋企屋食飯, 我唔會再講任何嘢. 再唔係, 我就以後都唔去了. 橫樹佢個二女婿, 都已經唔再出席佢哋的週日家庭飯, 只出席過節飯, 咁我呢個新抱仔, 都可以一樣咁做, 咁就唔會再令人覺得委屈了.

仲有, 佢哋唔好旨意我會再比面跟佢哋去旅行. 簡企係貼錢買難受.

我唔鍾意啲人咁囉!

話說同學K & M都係我的中學同我, 不過我一向同K熟啲, 同M其實無咩聯絡, K 同 M則有聯絡.

咁同學M今年十月結婚, 其實都咪好關我事, 因為我真係畢業咁多年, 只見過M一次, 佢點都唔會請到我啩!

 

但K有一日打來問我可唔可以幫M設計張婚咭. 我話我其實無咩設計天份, 又唔識執相, 幫唔到啲咩. K就講到M有幾可憐, 唔識, 又無人幫, 叫我幫吓佢. 我叫佢同M講, 叫佢自己諗好啲嘢想點擺, 我最多用AI幫佢放埋一齊, 做少少EFFECT咁囉!

 

跟住佢就forward 同學M的相同資料比我. 咁我就簡單哋做了兩個version比佢睇. 開初都有回覆話想點, 又打過一次來傾. 咁我咪再執囉! 怎知, 執完第二次, 就無晒聲氣. 消失得無影無蹤. 個多月, 同學M一個回覆, 一個電話都無. 我便打比同學K, 問佢發生咩事. 原來話同學M差啲連婚都結唔成, 仲搞到情緒有問題, 要睇醫生. 不過現在OK了, 可以繼續結婚. 可是, 到依家亦差不多兩個月, 同學M都係無搵過我同我傾張咭既事. 最後係從同學K口中得知, 佢哋搵到個識設計的朋友幫佢哋搞.

 

我唔鍾意啲人咁無交帶囉! OK, 你唔駛我做, 都講聲嘛! 佢完全無直接同我講過話唔駛做囉! 我本應都唔咪同佢熟, 都唔駛咁樣好似奉旨先得架! 唔鍾意呢啲人!

今日講下IT 人

我知道呢度都有幾個wow友係IT人, 希望唔好介意. 我絕對唔會一支竹打一船人.

我的感覺:

唔知係咪通常IT都係唔咪好做嘢, 又或者一定係按本子辦事呢? 事源我老板擒日早上返來, 開唔到機, 搞咗10mins都開唔到, 又試過restart, 都係唔得. 咁咪走出來同我講, 我咪打比IT囉! 佢第一時間就係話: 你記得補番張ticket比我. 大佬, 駛唔駛乜都要睇ticket, 睇email先做嘢呀! 我老板大大話都係個director, 你答, 我轉頭過來, 做完先叫我補ticket得唔得先. 點解係都要第一句就叫人記得issue ticket啫. 係咪見唔到張ticket你個腦會唔識轉? 係咪見唔到ticket又做咗, 公司會扣你糧呢?

跟住...因為公司上星期upgrade了個IE, 由IE6轉去IE8(好低能, 現在先用8, cheap到死.) 咁有啲公司的system上唔到. 我今朝就打算上system幫老板claim錢, 去到果版話我個browser唔得. 咁我咪instant message個IT, 問佢囉! 明明見佢online, 頂佢, 唔答我. 算點呢? 後來我等我隔離的姐姐回來, 問下佢上唔上到個system, 佢都上唔到, 姐姐就打比IT問, 其實係兩個steps就解決了. 佢做咩唔答我呢? 係咪又想我issue ticket先識做? 定是蝦我? 佢最後, 就係理都無理過我個instant message, 完全係ignored了我囉! 真係好討厭.

我知, 對於IT人來說, 我哋既問題, 有時候係好白痴, 但佢哋都應該明白, 有好多人, 尤其係女仔, 電腦對她們來說, 真係只係一個user, 只要個windown pop up一個message, 佢哋就唔知點算! 可能只係一兩個steps就可解決呢啲問題, 但係唔識就係唔識, 真係無辦法. 即係好似, 例如我叫佢哋彈琴, 佢哋可能都覺得好複雜, 108個keys, 點記阿! 點解就係唔可以friendly啲幫下同事去解決呢?

好彩, 我公司都算有一個好啲既IT人, 可惜佢唔咪station係香港, 佢係星加坡. 不過有次我自己個私人hard disk有問題, 我問佢, 佢都好落力幫我, 仲幫我download埋個recovery software比我. 香港果個...哼, 真係唔想同佢做朋友啊! >.<