一頭霧水地預約遞交擬結婚通知書

笑死自己!!

今日在esd life 望下望下, 又有個jm網上預約了遞交擬結婚通知書, 八八卦入去望下, 原來她也是10月10日結婚喎! 咦, 乜唔咪7月3日先可以上網約咩? 原來26號已經可以了, 仲短短幾個鐘(可能係幾分鐘), 10月10日的籌亦已經派晒了. 亦即係話, 我呢個後知後覺的濛炳, 如果想係10月10日在註冊處結婚的話, 我已經無機會, 結唔成了!! 嗚嗚嗚....

不過, 我呢個濛炳是响教堂行禮(大家千萬唔好誤會基督徒都係濛炳), 所以基本上我是不需要同101010的姊妹們爭位的!!

趁睇開個網頁, 不如順手約埋啦! 就係咁, 依家我約了7月14日一早去交那個"擬結婚通知書". 搞掂了, 發現原來我係無籌號架喎! 係咪也是因為我唔咪在註冊處結婚, 所以唔駛輪籌揀時間呢?

 

 

終於等到了!!

終於拿到我等了五個月, 又困擾了我很久的外景相了!!

昨天去到, 肥經理帶住mask, 我好想走了之後, 靜靜回去偷看, 睇下佢係咪我一走, 就除低個mask. anyways, 終於第一次見到晒我的東西, 驗屍咁驗, 除了其中一將相, 男仔個鼻多了點好覺眼的黑頭, 同埋同一版條邊貼得唔咪幾伏外, 其他嘢都好好! 而佢哋亦好願意幫我拿回工場修一修, 兩個星期後攞! 其餘我就攞返去先.

 

好辛苦開晒啲嘢出來影相, 又好辛苦收好才發現無開簽名布來影, 白痴咗....hahaha

雖然等得耐, 但出來的東西, 真係好靚.

 

對Zara Bride的comment...相是靚的, 出來的相簿等等東西都係靚的, 但service就有90%地方有待改善. 仲搵緊pre-wedding shooting的姊妹, 就自己決定啦!

 

20140719後記: 間嘢, 已經改了名仲搬埋了!

請柬 ~~ Part 2

端午節真快樂!! 今日又完成三件事.

 

第一件是煩了我一段時間的請帖事宜. 由決定不用酒店送的肉酸"請柬"後, 一直不斷在找又平又靚的請帖, 前星期去婚展, 看不到心水, 價錢也好像沒有網友極力推介的昌記平, 所以決定先不下訂, 去昌記看一看. 星期日去過昌記, 價錢的確很平, 但沒有讓我們心儀的款. 今天去金都又看一看, 竟然發現有一間, 有很多很ok的款, 每張都係$3.5 (for 200pcs)咋喎!! 當我哋在落單的時候, 老闆娘拿了一張更特別的帖給我, 我跟他一看便立即愛上, 它的獨特之處在於, 只有10年10月10日結婚的人才可以用! 因為之前有一pair新人, 加了錢做了這個模, 我哋才可以食他們的口水尾, 用他們的模, 以平價做這特別的帖! 真係超開心呀!! 好感恩, 天父讓我們找到好東西!遲些拿到帖再post給大家看!

另外兩件開心事, 是我們買到了床和電視!! 電視仲剛好有優惠, 平咗$4000. 超正!!!

感謝天父!!

等了又等, 又再等

今日~ 6月15日了!

 

首先上星期尾有個男仔打來, 話我的相簿會星期一返到香港, 等肥經埋check好, 會call我去囉!

今天15號, 男仔又打來, 話肥經理請了兩天病假, 所以check唔到, 但約我今個星期尾去攞! 我話要同男朋友夾一夾時間, 再覆佢! 用來電顯示打回去, 竟然係肥經理聽囉! 我問佢, 你唔咪病咗咩?! 佢話係呀(扮晒氣弱的聲音)! 話只係回來放低啲嘢便會走囉! 我真係唔咪好信! 但可以點?

打比其中一個女仔問, 佢話完全唔咪呢回事, 肥經理無病囉!

 

點解可以咁架!! 做生意唔咪講誠信咩? 點解係咁講大話呢?

 

我真係對呢間嘢完全無晒信心. 但係, 我仲要响佢哋度租衫. 我可以點呢?

又去婚展

估計今次的婚展應該都會是婚前最後一次去了. 今日的收獲都幾好!

買了唐餅咭, 訂了一箱紅酒, 仲join了打子宮頸癌針! 有機會參加車的抽獎兩次, 12月揭曉! 仲有兩個機會抽現場禮品! 少有的幸運, 兩張紙仔都抽到獎喎! 一個是甜酒, 一個是美麗日記mask!! 好運要繼續來啊!!!

然後, 我哋去了行ikea, 睇見一張TV櫃, 特價$469!!! 個款OK, 又幾實淨. 我哋的TV櫃, 由budget了的$3000, 跌到實惠的$899, 現在再進一步慳下去!!! YEAH~~~

等了又等

我一月尾影的外景婚照, 到現在都仲未攞! 原本上次話頂住條氣, 最後解決後話5月尾一定有得囉. 怎知上星期果個肥經理打來, 話啲相簿出咗事, 有版整花了, 所以要再整過. 為咗補償, 佢會upgrade呢本再整過的相簿比我做晶鑽相簿, 係就係好靚, 但我真係寧願佢早啲比晒啲嘢我囉, 唔好要我再等. 仲有喎, 要呢本晶鑽相簿都仲有個條件, 就係要我比佢哋張花了的相簿比佢哋放响舖度做sample. 我個人就沒問題既, 但男朋友唔鍾意, 所以都唔接受, 然後又話咁我的單人相呢, 可以用來做佢sell 化妝的sample, 我話我自己就無所謂. 咁就就咁決定了. 現在又要等等等等等, 佢話6月中一定會比我喎!

 

後來有線人比消息我, 話原來除了呢一張整花了, 另一本大相簿都有同樣的命運, 仲有小pocket相簿都出了事要再做過, 而最過份係, 原來簽名布都錯, 串錯了我個名. 我真係呆咗, 唔知比咩反應. 點解呢間公司可以連個客的名都出錯, 會唔會過份咗啲呢? 如果唔咪個sales check的時候發現, 而係我去攞的時候發現, 我真係會鬧爆佢哋囉. 我份人, 好唔鍾意人叫錯我個名. 無錯, 我個英文名係有點難讀(是法國一個小地方名), 但做得我朋友, 都應該尊重下, 學下點讀我個名. 佢哋唔駛同我做朋友, 但簽名布客人的名字呢啲咁基本嘢都可以錯, 比我係老闆, 一定會炒咗佢囉.

六月中, 如果佢哋再比唔到我, 又或者收嘢的時候有任何出錯, 我一定同佢哋死過. 仲有, 收嘢果日, 一定會叫多幾個fds去, 驗屍咁驗呀! 要我等咁耐都仲要有錯, 哼!