今日去做週年身體檢查, 係公司的醫療PLAN 包埋的. 上年都係响呢間做, 見個醫生幾細心, 護士又無咩點, 今年都照去返, 將軍澳,
近嘛!!
點知....拮咗我三嘢先抽到血. 我今朝已經飲咗兩大杯水啦! 從來抽血都未試過話攞唔到.
先拮左手, 唔得, 仲話我太緊張, 條血管縮走了. 大姐, 你撩到我痛呀! 我梗係縮啦!
跟住拍右手都搵唔到血管, 就去照肺同比醫生做抹片, 仲有CHECK 乳房
唉....佢摸摸下, 左邊下面有少少痛, 我咪話比醫生知囉! 佢就再認真啲摸, 話好似有粒嘢.
又叫我自己又摸下, 又真係有啲嘢硬硬地, 又痛痛地....唉....
結果醫生寫紙我去照超聲波, 希望無事啦.
見完醫生又等護士同我繼續抽血. 今次換了個年紀大少少既護士, 以為好啲啦, 點知....
佢見我左手唔得, 就抽右手, 又係拍拍拍唔到血管, 又係叫我郁下
點知拮咗落去, 係咁pump都抽唔到, 只係得好少好少. 佢仲話, 可能郁得太多.
救命...點呀?????
跟住又貼番膠布, 係咁叫我襟住, 佢又自己襟, 然後佢又手震. 好驚!
之後又搵左手再試, 兼換了支針頭. 好似幼啲, 同埋連住條幼幼長長既管
終於都抽到一支了...唉
但成個過程, 我堅覺得佢好"now 較" 囉!
仲有, 兩個幫我抽過血既護士, 都係用完消毒棉消毒後, 又會再搵佢既手指襟佢想拮既位. 咁咪即係好似無消毒過囉! 妖~~~
