感恩, 感恩, 再感恩

上篇blog後, 連上wow的機會都無, 真係好掛住大家!

昨天返新工了, 放工的時候, 在facebook留了句 "第一天返工的感想是: 感恩, 感恩, 再感恩, 神真係好錫我!" 昨天一返到去, HR同我好簡單做了個briefing, 其實係略略講解我有啲咩福利, 真係正到暈, 除了睇醫生的次數多咗, 可claim了的錢亦比舊公司多, 最開心係牙仔, 以前公司剛剛先係今年5月增加了牙仔的福利, 每年有1500可以用來同啲牙仔玩. 怎知呢間係多十倍, 我可以成排牙換咗去. 跟住, 舊公司無的生仔保險, 呢間竟然有喎! 即係如果我係要生仔, 我係可以免費去私家醫院生囉....雖然我應該唔會享受到呢個福利. 人壽都好過以前公司, 當然, 亦絕對唔想claim到呢筆錢啦! 仲有仲有, 我呢個benefit, 係即時生效, 唔駛等過probation. 仲有仲有仲有, 呢個benefit 係包埋我老公! 基本上, 聽到呢個benefit, 我已經打算係呢間公司終老了!

 

工作方便, 好感恩前手其實係升職, 轉了做第二個position, 仍然係同一個department, 仲要坐係我後面, 所以不單有得handover, 而且仲要一直都可以比我問問題. 記得前份工, 無咩點handover, 好多嘢都係自己模, 所以一直都覺得好混亂. 依家好了, 有個姐姐一路幫我, 大公司亦有好健全的policy, 好多嘢都可以好清晰, 以後啲嘢會易做啲. 仲有喎, 之前個姐姐, 佢話唔知點解公司啲人都好驚佢, 所以佢一出聲, 啲人都會好快做嘢, 同埋唔敢嘈. 都幾好, 做好了個勢, 佢仲要坐係我後面, 啲人實唔敢蝦我.

擒日個姐姐同我跟另一個同事lunch, 佢哋不斷話我好彩, 入到去做, 福利好, 又唔算多嘢做, 一定可以準時放工, 仲要我個老闆係一個好人, 所以係咁話我好彩. 我心諗, 係神的恩典. 我真係只可以不斷的感恩.

我一直以來工作方面, 都算幾順利, 一直都搵到大的公司, 而公司又不斷比好多機會我, 老闆亦好睇我. 好似剛剛上星期的last week, 公司最大粒兩位CEO, CFO來香港開會. 個會係我負責, 最後走的時候, 佢同我講bye bye, 話我做得好好, 下次見. 我同佢哋講我走啦! 佢哋個樣都有少少失望. 我後來想, 係一間公司做能夠做到CEO, CFO都記得我個名, 都真係算係咁了. Last day果日, 一班同事都好好, 原本我都無打算影相, 靜靜的走便算, 最後有個同事舉起個相機話要影相, 便個個走出來影, 而個個都係真心替我開心, 其實我果team, 八成人想走, 所以大家都好開心咁送我走(哈哈...一廂情願自己咁諗). 點都好, 我覺得我係走得光榮, 絕對唔咪"暗"然咁走囉!

 

2014/07/21後記: 到今天, 我依然為住我呢份新工而感恩. 這裡的老闆實在是太太太好了!

感謝神啊!

又忙又緊張的一星期

今個星期係我响呢間公司返最後一星期工, 忙到死. 因為唔想留低太多屎比接手的同事, 所以好多嘢都儘量做得幾多得幾多, 再加埋今個星期美國的大老闆們來港開會, 就更加忙. 成個星期, 晚晚都瞓得唔好, 係咁發夢, 有時係惡夢, 又有時係無無聊聊但又好緊張的夢, 更有時發夢已經返新工了.

今天好了, 有新同事來了, 今天便係咁過啲嘢比佢, 亦比埋個位佢. 因為我老闆走咗仲未請到, 所以我就好順理成章暫時坐去佢個位度, haha...可以做兩天managing director. 明天出外開會, 當然唔係我開, 我只係搞手, 睇頭睇尾, 走來走去的阿四, 所以整天都不在office. 星期五便是last day 了. 真係要離開呢個做左四年的公司, 要離開我的comfort zone, 所以呢排心裡都真係有點不安.

不過, 正如我之前講, 搵到呢份新工, 一切都好順利, 神一路的開路, 我相信這是神為我預備的新地方. 昨天新公司打來話我的background check 都clear了, 成個requirement process 的時間都係剛剛好, fit到爆! 星期一返新工, 新開始. 要努力啊!

唔知新公司有無機會可以上吓網, 同埋msn呢?

BULLSHIT

今朝早老公比封信我睇, 係佢公司發比佢的信, 內容大約係: This is to confirmed that you are promoted to Senior Sales Engineer. 呢句ok喎! 值得恭喜! 跟住第二句係: Your monthly salary remain unchanged. 跟住再下面果段就係話啲employment term都係維持一樣.

我睇完, 有點慶囉! 我問老公做咩唔當面撕爛封信掉番比佢老細, 再鬧多句bullshit呀? 升職唔加人工, 仲要內裡無寫响封信的仲有, 因為你係senior, 所以要增加營業額先可以攞到commission. 咩你都加, 人工又唔加, 咁你叫人點有心機幫你做嘢呀? 我哋普通巿民, 打份工都係為人工啫, 我要呢個senior的虛名來做咩啫, 可以當飯食咩?

仲有佢公司分工又有問題喎! 將所有大的客就比晒另一個sales, 就留番晒啲細雞嘢比我老公, 咁叫人點做啫.

仲激氣, 我又唔明我老公諗咩. 佢哋出封咁既信, 可唔可以問句點解? 果時入職話過probation會調整人工, 無囉! 人哋個個有, 得佢無! 算. 今次每年調整, 人哋無升職都有得加人工, 佢叫做升咗職又無得加人工, 咁算點啫! 擺明係蝦囉! 但佢又可以唔出聲, 真係啤一聲! 成日又話返工唔開心, 覺得打呢份工無意義, 老闆唔好, 同事唔好, 我就成日叫佢搵工轉, 今年個巿好咗啲, send下信出去, 試下囉! 又懶, 唔搵. 我真係講到無氣.

佢公司係bullshit, 老公佢都bullshit囉! 氣死.

Everything has a beginning, has an end.

自從老闆1月尾走後, 我便開始搵工, 大大小小的工都見過6-7份, 但一直都無好消息. 其實都半放棄, 一來有一排公司又勁忙, 都無時間搵, 二來都有點灰心.

 

4月尾無無聊, 公司又開始唔忙, 就又搵下. 見到一份美國公司的工, 好奇怪架喎! 個job ad係無寫application & cv係send去邊, 心諗咪即係要thru josbd個quick apply去申請? 我在jobsdb的account無用好多年, 裡面份cv又勁outdate. 原本都唔想麻煩, 唔打算send. 但係公司又真係好無聊, 所以就去update, 仲sent埋申請.

3/5晚上沖涼missed了個call, 聽番係一個超難聽的英文女仔打比我, 基本上我只係聽到resume, tomorrow, 同埋sent咗啲嘢去我個email囉! 咁我就check email, 哈, 原來呢份工約我去interview. (駛唔駛咁夜呀, 連攞假的機會都無, 即係要我扮病啦! 討厭!)

4/5就真係扮病去見工. 我早了半個鐘到, 後來不斷有唔同的女仔來都係約了同一個人, 仲同一個時間, 心諗, 唔咪group meeting呀? 死梗, 我group meeting好弱. 最後抱住平常心, 無咩期望咁入去. 我仲勁到做"清兵", 做到一個講嘢添. 其實當中六個女仔, 有一個係特別outstanding的, 另外5個就同我差不多, 只係有一個我覺得差少少(呢個女仔, 令我發現, 原來背introduction去介紹自己, 係好覺, 係好聽得出的). 經過幾條問題同一個test, 大約一個鐘就走得. 我仲輕鬆到走去睇曾灶財展覽添!! 可能因為覺得自己唔咪最outstanding果個.

5/5一早返工司開會, 途中有個長途電話, 唔知乜水, 無聽. 下午佢再打嚟, 約我第二日second in, 真係估唔到. 咁就嗱嗱聲申請半日假.

6/5放下午, 回家換件衫便去見工. 早咗10mins去到, 仲係樓下見到前日見到的其中一個candidate, 今次係見direct report果個. 呢位女士好爽快, 感覺好好! 佢無問啲咩奇怪難題, 所以都好輕鬆. 大約20mins便見完走得, 會合老公行街街食buffet. 怎知過了大約一個鐘, 收到電話話請我呀! 真係開心到傻咗! 人工比現在多咗少少, 新公司亦比現在的大了多多, 年假亦比現在多了少少, 我相信福利亦不差. 最好可以每年免費驗身.

結果果晚的buffet亦變成慶祝dinner了!!

好趕急佢想我30號返工, 好趕急咁我又催佢快啲比official offer letter我等我辭職, 好趕急咁星期一下午都總算順利收到張offer letter, sent了封辭職email比美國的代老闆. 掂!!

呢份工做了4年, 都唔算短. 同其中一部份同事都有啲感情, 所以都有點唔捨得. 不過打工就係咁, 唔係你走, 佢哋都會走, 總會有離合. 我都好感激部份同事, 同埋我幾個老闆, 呢間公司我都真係學咗好多嘢, 佢哋真係比咗好多機會我. 只不過我看不見有位比我升, 要加多少少人工, 就要過吓塘了!

期待新工作中~~~

忙到不得了的三天

呢三天假期, 忙到不得了, 現在個人係散咗一半, 仲有一半有待重整!

星期六, 夾都未必可以夾得咁準, 破紀錄地一天要去兩次世界大酒店, 一早一晚, 中間仲夾了一場久遺十多年的壁球活動, 場是一早book的, 怎也想不到當日要走兩場喪禮吧! 早場喪禮是教會一姊妹的婆婆, 94歲, 遺下一個很令人讚賞很值得後輩學習的榜樣, 作個"祈禱人"! 有時候, 長輩離世, 除了懷念他們昔日對我們的好, 也要懷念他們的優點和值得學習的地方, 更要努力去繼承和發揚光大. 很好的提醒!

晚場喪禮是我的大舅母, 68歲, 她走得很突然. 雖然知道她身體是有些問題, 因為見她一次比一次瘦, 但精神常可, 能行能走, 能說能笑, 也沒有聽到她有病的消息, 怎知就這樣便走了. 喪禮沒有任何宗教儀式, 是一個紀念會, 感恩大舅父一家都能接受, 整個紀念會都很輕鬆, 更可以說笑, 令人覺得相當舒服.

珍惜眼前人個個都知, 但點樣才做到不後悔, 真的要好好想清楚. 不過經那大舅母的喪禮, 我想, 我希望我每天都能打一個電話給媽媽, 雖然有時候她聽電話講電話的態度真的十級差, 但我都希望我可以做到.

兩場喪禮中間, 我跟朋友去打了一小時壁球, 十多年沒有打, 可幸技術還在, 但手腳腰肩都受苦了, 到三天後的今天, 肌肉仍然酸軟. 不過跟朋友再約定今個期六再來一次!

星期日, 繼續到大酒店送別大舅母. 哎吔...遲到, 看不到最後一面. 不過因為沒有宗教儀式, 所以一切都很快, 我們只遲了10mins, 已經過了"占"仰遺容和蓋棺的儀式! 跟著送上火化場, 然後英雄宴, 便跟一眾親戚道別!

下午同老公去睇了"關雲長", 打到飛起! x子丹的工夫當然厲害, 但我更愛姜文的演技! 只恨自己對三國歷史的膚淺, 看得一頭霧水! 跟著我帶著沒精神沒體力的軀體去奶奶度食飯. 去到才知是晚是慶祝母親節

星期一, 同老公和朋友到深圳食四川菜! 辣得過癮!

 

 中途食了兩客小龍包和一碗麵. 唔好意思, 這間的小龍包比上海的還好吃!

一枱辣餸出場了!!!

 

 

 

兩個喪禮的一點領受

今個假期都算充實, 因為破紀錄地一天要走兩個喪禮, 真係乜都無咁夾.

 

30/4 星期六, 10點鐘要到世界大酒店出席一個教會姊妹的婆婆的喪禮, 其實我應該與呢位婆婆未見過面, 但因為跟這個姊妹也頗相熟, 所以都去一去. 原本有打算join詩班獻詩, 但又係乜都無咁夾, 我果日book了場打壁球, 仲咁啱我book, 一定要我去攞場. 其實時間係夾到, 喪禮大約11:00完, 我book12:00, 都趕得切, 但就比較趕, 為不影响他人, 所以都不join詩班.

 

這個喪禮, 其實婆婆都已94歲, 實屬笑喪, 而且我們基督徒相信死亡只是一個暫別, 將來我們在天家一定會再見面. 現在婆婆可以離開肉體的痛苦, 其實不是一件太過傷心的事情. 因為婆婆生前是一個很熱心祈禱的人, 她受到教會上上下下的稱讚, 稱她為祈禱人. 在安息禮拜的訊息裡, 牧師也很強調這一點, 亦鼓勵婆婆的子孫不要太傷心, 反而要努力繼承人婆婆熱心祈禱的美德.

同日晚上, 我又再出現在大酒店, 今次到我自己的大舅母. 她都算走得突然, 有天媽媽打給我話我知大舅母在馬來西亞走了, 我仲問走去邊? 因為新年才見過她, 雖然近幾次見她, 只覺得越來越瘦, 但都尚算精神, 亦叫做行得走得, 更沒有聽到任何關於她有病的消息. 無啦啦只不過去了馬來西亞探二女, 便走了.

 

喪禮前都打聽不到會是用什麼儀式, 去到才發現原來喪禮是可以沒有任何宗教儀式, 她的家人為她做了一個紀念會, 堂裡佈置簡潔, 子孫們做了四個大相架, 將他們跟大舅母多年來所拍的照片貼上, 又放上幾幅子孫們為紀念她所畫的畫, 播點歌. 然後在8:00有個特別儀式, 就是大表哥出來講一講, 大表姐又講一講, 跟著孫女念了首詩, 然後播了20mins 相片slide show, 喪禮便完結了. 整個喪禮, 直屬家人完全沒有哭泣, 全場只有大舅母的大家姐在喊, 反而大舅父, 兩個表姊同表哥, 同來賓有講有笑.

 

大表哥講的那段說話都令我有幾深感受. 佢講番出佢媽咪走的情況. 最後其實佢哋係無解剖, 所以其實係唔知死因, 不過佢回想番最後幾個月, 其實大舅母真係好弱, 食唔到嘢, 又成日嘔. 佢哋帶過佢去睇好多醫生, 但都搵唔到原因(我表姊夫係醫生, 大表姊又係護士教授, 二表姊就係藥劑師, 所以佢哋已經係帶佢去睇無數最好的醫生), 有時卻反過來忟憎她不吃東西. 又原來大舅母每次出街回來後都會嘔, 他們回想, 她可能是"攰到嘔", 因為每出一次街都會花很大的氣力, 但她又很珍惜跟人相處的機會, 所以自己幾辛苦, 都很想出去與親友相聚. 即使完全有車接送, 但可能其實她的十步已經是我們一整天活動的能量.

 

珍惜眼前人真係好重要, 仲要係好細心的珍惜他們, 多啲留意他們. 表哥話如果他能夠留意大舅母多一點, 便不會讓她咁辛苦飛去馬拉.

 

不過人又真係很奇妙, 表哥話大舅母飛前, 係好精神, 仲行得好好(因為新年跌親), 她又嚷著要去探二女, 所以便讓她去. 佢係機上, 嘔了三大袋, 二表姊仲鬧表哥做咩比佢過去. 後來, 表哥話, 應該係大舅母自知差不多了, 而一向跟二表姊的關係感覺是疏離一點, 但心中卻很掛念這個女, 又深知這個女是最能幹, 所以便選擇在二女處離開, 更要二表姊幫她施急救, 讓二女抱抱她, "錫錫"她.