哈哈...ella姐一星期煮到四五日都收咗皮, 我就收晒皮了.
呢排我都好少煮飯, 光波爐應該响度喊緊.
一向星期六日都會出街/返奶奶家食
平日又會有一日返我媽家食, 即係得番四日
跟住又會有一兩天老公無啦啦話好想食乜乜乜乜乜就出咗去食
然後最近老公又發現樓下街巿燒味檔, 單拼燒味飯只係$15蚊
我同佢一人一盒, 再買斤菜都只係$40蚊
食飽兩個人之餘, 都仲夠我响每盒飯畢啲飯同餸留第二日帶飯
真係抵到無敵呀!
所以一懶唔想煮飯, 我都會提出買燒味飯
就係咁, 小煮婦就收晒皮, 啲光波爐呀, 忟煲呀....就各自獨憔悴了.....
最後亦因為咁, 啲煮技亦退步了
擒晚煎條倉魚煎到黑忟忟又唔夠味
唉.....可能都要一段時間唔會見到我post食物相上來獻醜了
(哈哈....美佛屎最開心啦! 唔洗同我絕交了...呵呵呵)
沒有留言:
張貼留言