覓食姊妹5天首爾行 - Day 2

第二天, 參加了南怡島,小王子法國村一天遊, 0800在明洞新世界百貨集合, 所以這天我們0600便要起床.

因為已踏入紅葉季節, 導遊很醒目將南怡島安排做到一站. 由明洞搭旅遊巴到南怡島大約1.5小時, 去到已經有很多旅遊巴到了, 船也要等第二班才可以上.

架船超搞笑

唔想搭船入島, 還可以選擇飛過去的

勁得意呢隻松鼠, 我真係覺得佢好似兔仔, 長耳仔的松鼠!!

南怡島其實好細, 慢慢不停的行一圈, 可能只需要1小時左右.  紅葉真的很靚, 雖然未算好紅, 但就下角度也可以影到很富豐紅葉的相. 見到綠色的杉樹路, 和黃色的銀杏樹路, 便最開心. 睇得多韓劇, 見過很多這樣的背景, 親身見到, 就會想到一點點韓劇的浪漫畫面

在南怡島逗留大約兩小時, 便去食春川炒辣雞. 味道不錯, 很合胃口.

炒前

加飯後再炒

飯後當然要去進行體力勞動 - 江村鐵路單車. 三人合力踩了差不多1.5小時, 沿途風景很好, 那天天氣極好, 所以有點曬, 但真係好好玩.  注意的是, 最好後面那架車的人專心一點, 唔好成日狠狠的撞我們車, 而又SORRY都無句.

最後一站, 便小小王子法國村, 有點點巴鬼, 沒什麼東西好看, 若不是紅透亞洲的"來自星星的你" 熱紅了這裡, 應該沒什麼人來. 但既然有睇過, 都要來一來看一看.

這樣便完成了我們一天之遊. 坐返兩小時車, 我們選擇在弘大落車, 導遊哥哥介紹我們食燒八爪魚喎!

八爪魚店

好似係綠豆餅

門口對面有鯛魚燒, 好想食, 但真係太飽, 食唔落

弘大好熱鬧, 途中街景一角

導遊哥哥也介紹我們試這家米雪糕, 店名叫"昭福" 真係好好味.

買了兩件衫, 便要去我們的下一站, Lotte Mart Supermarket!! 買到我池城代言的洗潔精, 無錯, 是洗潔精, 一定要支持他代言的產品, 如果我可以帶到床褥回來, 我絕對會買埋床褥的.

*.* 心心眼

好, 行完超巿, 都已經大約12點, 是日行程仲未完, 最後一站 Siloam Sauna 再去另一家汗蒸幕.

好似在那裡見過, 原來"未生" 在這裡拍

相比起之前龍山, 我覺得這一家好一點. 那些洞洞比較集中在一層, 另有些凍房, 有墊褥提供, 瞓得好舒服, 之後溫泉的池也熱些, 當然這家就貴一點點.

就這樣, 這天玩到0300才瞓覺. 大興奮了!

資料:
南怡島,小王子法國村一天遊 by Starway Travel 每位HK$690, 包車包午餐春川炒辣雞

Lotte Mart Supermarket (롯데마트 서울역점)
地址: 서울특별시 중구 청파로 426 (봉래동2가,서울역(철도청)) - Line 1/ 4 ~ 首爾站 Exit 1


Siloam Sauna 汗蒸幕실로암사우나찜질방 오시는길
地址: 주소 : 서울특별시 중구 중림로 49(중림동) 실로암사우나찜질방 - Line 1/ 4 ~ 首爾站 Exit 1