上個月開始了我的午間跑步, 利用公司1.5小時的lunch time時間, 到樓下海濱公園跑步, 好好運用了午餐時間做一啲有益身心既活動,
我覺得非常之好喎!
但係唔知點解, 每一次同人講, 啲人第一句就咁, 食完飯去呀?
梗係唔咪啦! 細細個就被教話食完嘢去運動會有盲腸炎! 錯! 錯! 錯!
我們的既消化系統, 其實需要大約三小時, 食物先會全部離開胃部, 盲腸比大腸更後, 點會咁快去到呢?
食完飯去運動, 主要會令人容易反胃, 因為食物仲响個胃, 係咁跳, 咪會跳番啲食物出胃, 咪會嘔囉. 只係咁架咋!
跟住啲人就話, 咁你唔食嘢呀?
梗係唔會啦! 三餐對我嚟講好重要, 一定會食
咁做完運動先食呀? 咁會好吸收, 好肥架!! (仲要double咁話喎!)
錯! 錯! 錯! 大錯特錯呀!!!
我好記得之前返學, miss講咗一個好好既例子.
如果一塊麵包有50 kcal, 會唔會因為我做了運動, 塊麵包會變了100kcal呢?
如果真係咁樣可以double個能量既話, 唔該叫埃塞俄比亞, 非洲啲飢餓大人小朋友, 先去跑十個圈, 我哋再比塊麵包佢哋食啦! 可以double喎!
人之所以有呢個錯覺, 只不過因為好多人因為運動後, 身體同思想上都覺得好需要補充體力, 又或者覺得自己咁努力做咗運動後, 要award番自己,
所以不自覺食多了, 所以就越做運動就越肥了!
相反, 運動後聰明地進食, 反而會令身體機能更好, 肌肉線條更美!
運動後第一要補充當然係水份啦! 跟住就係碳水化合物(Carbohydrate), 補充番運動時失去的血醣&肝醣, 維持番各內臟正常既功能.
蛋白質(Protein)亦都要補充, 修補番運動時破壞了的肌肉組織, 亦可減輕運動後肌肉酸痛的問題.
有時, 一對一同朋友傾計, 我都仲可以慢慢解釋番比佢哋知呢個坊間謬誤. 但果日比一班人圍, 真係有口難言.
唉...我心諗, 女仕們, 你哋為減肥亂咁節食, 不單對身體唔好, 到你哋回復正常飲食既時候, 反彈仲快, 到時啲嘢就真係double了!
其實我通常都係帶飯食, 個盒就係咁大, 又係自己煮, 又會菜多肉少, 有時跑步日會安排自己食冷麵或者通粉, 點解啲人就唔理解,
一句就話"運動後食嘢好肥"
哼 ~~~ 無知! 我一定會比到成績佢哋睇!
沒有留言:
張貼留言