貓貓

之前攞回來養的Batman, 一個星期之後, 我哋就送走咗佢了!

我只怪我們係初哥, 對小貓唔熟識, 接受唔到佢好似撞鬼咁跳來跳去.

最後同原先的收養姐姐講, 送返比佢.

不過, 好彩, 之前收養了Batman的哥哥的人, 佢好想貓仔兩兄弟可以重聚, 最後我哋送走Batman果日, 佢就直接去哥哥果度了! 都算係一個美滿的結局!

Batman走咗, 其實同老公都唔開心咗一段時間, 覺得我哋好衰, 無耐性, 包容唔到佢!

咁買咗咁多貓用具點呢? 咁我哋養唔到小貓, 都可以養成貓既!

咁啱有一隻全黑短毛摺耳貓, 女仔, 一歲, 寄養在我朋友家中, 於是我哋就安排接她回來

她叫卒卒

開初去我朋友家睇卒卒時, 佢好驚, 係咁躲在籠裡唔出嚟, 連餵嘢食都唔肯出嚟

後來比咗兩條我哋用既手巾仔佢, 第二次去, 佢就肯出嚟比我哋摸下

再到佢嚟到我哋屋企, 佢好快就適應咗新環境

卒卒好乖, 唔會週圍跳, 仲好痴人, 我行去邊, 佢就一路跟住我

有時我企响度, 佢就即刻瞓低, 仲要"典"兩個圈比我睇, 叫我摸佢, 真係超可愛!

不過, 我發現, 同人一樣, 都係會有啲缺點.

卒卒既大便習慣有啲問題.

經過我朋友半年既訓練, 佢都仲係唔鍾意去砂盆大便

來都我哋家, 佢已經好醒咁, 就去浴室小便, 於是我哋就將砂盆放入浴室比佢去啦!

怎知, 佢會走上去砂盆小便, 卻在沙盆旁的空地大便喎!

結果...現在我哋要幫佢執屎.

真係點都諗唔到要幫貓執屎囉!

  

anyways, 衰過一次, 我唔會再比自己再咁易放棄.

卒卒都只係大便習慣有啲獨特, 起碼, 佢唔咪走上梳化/餐枱/鋼琴....等地方痾

佢點都係會走入浴室痾, 所以就再慢慢教啦!

卒卒真係好鬼可愛, 呆呆既樣, 望住佢就好想笑.

不過同黑貓影相係有啲難度的