又會咁好彩既

激死, 北韓無啦啦發咩神經呢?

我星期四搭凌晨機去釜山, 參加果個慶州櫻花馬拉松,

依家各國都估計佢會响星期三前後發射導彈

但香港政府果個外遊警示又黃紅黑都未有南韓

取消又唔咪, 繼續去又擔心

一邊又諗北韓响度玩嘢, 另一邊又諗個肥仔真係傻傻地, 咩都做得出

然後又諗, 大約南韓,日本, 美國應該都會截到啲彈啩!

但又再諗, 未必100%截到晒喎!

跟住又諗, 我去釜山啫! 都唔咪啲重要城巿, 係炸都炸首爾先啦!

可是個fd又話, 啲導彈係遠程, 首爾比釜山近北韓很多, 佢話啲北韓有260km射程的導彈, 而釜山正正距離北韓約266km....咁咪好近?

擒晚唔知做咩突然好擔心, 跟住就瞓得唔好, 仲好白痴咁發咗個夢

夢見自己去咗南韓, 要走難, 怎知比北韓捉咗...哈哈....好低能

然後被捉既人入面都有香港人, 又有電話可以打出去

跟住都好快, 就可以走, 但走既時候, 坐响車, 係要坐到好底, 唔好被出面既北韓士兵見到

好驚好驚

今朝返到公司, 啲同事就問我點, 搞到又我擔心過...唉...

我真係怕我坐响飛機時見到出面有粒導彈响隔離囉!