快閃京都馬拉松兼喪買之旅(一)

這個京都馬拉松, 實在太太太太太近農曆新年了, 兼且三月另有八天名古屋馬拉松之旅, 所以這京都馬便要快,短,閃. 原本打算三天, 五去日返, 但機票價錢問題, 最後決定四去日返, 快閃四天.

FEB 11 (三), 放工回家, 沖個涼, 等老公回來便拿著行李到樓下商埸食飯, 然後便坐最後一班E車去機場. 暈...我決定, 以後真的不再搭E車. 未離開將軍澳已經嚴重暈車, 龍翔道最後一站後有點好轉, 進入東涌, 國泰城又再暈, 落車時幾乎要嘔. 為咗廿幾蚊, 影响狀態, 不值得.

FEB 12 (四) 0115 搭樂桃. 第一次搭樂桃, 也算不錯. 不過, 不知是因為機長見天氣冷所以沒開冷氣還是什麼, 機倉真是很焗很焗得要命. 算是遲了少少起飛, 但卻準時到達. 因為不用等行李, 很快過關, 亦趕上了第一間Haruka Train, 八時多便去到京都.

第一站當然是先放低行李. 今次怱怱短行, 也不想花費太多在住宿, 我們決定住青年旅舍. 我住6人女仔房, 每晚只是2500yen, 星期六那天貴少少, 2800yen, 最重要是, 整個旅社也很乾淨, 床也很舒服, 每隔床也有私人locker, 布㾾很隔光, 大家也安安靜靜的. 廁所廚房也很企理乾淨.  我check in的時候, 只淨上格床, 上落有點麻煩. 星期六早上, 台灣妹妹說她走了, 叫我換到她的床, 一見她離開便快快換床, 當晚執行李便方便得多.

其實旅舍都有單人房和雙人房, 雙人房都只是3700yen一人一晚, 有獨立廁所. 不喜歡共廁, 仍可考慮這旅社.

再...這旅舍離京都駅只是5mins 步行距離, 一百分方便.


網址: http://kyoto.hanahostel.com/index_c.html 可以入去睇下相片, 真的是值得推介的旅舍.


第二站, 放低行李後, 食個早飯, 便搭車去大原三千院.. 由京都駅搭巴士大約45mins - 1小時

這個早餐, 我食了四天, 共五餐. 跑馬後搭火車去機場前, 再食多一餐. 平, 好味, 飽肚.

午餐在這裡食, 第一次坐暖枱. 真的很暖.

第三站, 三千院後便搭巴士回京都駅, 開始行街. 上一次來京都未有機會行京都駅下面的shopping mall, 今次一行, 不得了, 全都是女裝, 更重要是, 一月血拼月餘波未了, 依然有很多減價, 加上yen現在超平, 我買了很多1000-2500yen的返工衫, 開心到爆炸. 更開心是, 和朋友仔分開行, 他行他的相機店, 我行我的衣服店, 不用難為他等我, 我也不用發毛發呆無聊等他, 大家都滿戴而歸.

晚餐會合另一朋友食拉麵!

我食了沾麵. 其實呢間係拉麵出名, 我和另一家調亂了.