婚後新居 ~~ 3

一田由昨天至31號有大減價, 見到啲床褥由萬幾減到3千幾4千, 26號果日白白痴, 以為係27號, 就好心急走咗去. 好彩去到都可以落定訂, 27號才去比錢. 最後買了睡康寧, 約$2700的5呎床褥. 比我預的budget平了一半. 仲送枕頭添喎! 超開心!!

 

然後昨天去比錢, 又望下啲煮食爐, 都平咗啲, 唔咪好多, 大約$300啦! 係Panasonic 嵌入式三頭爐. 姐姐話Panasonic唔再出煮食爐了, 真係鍾意就真係要買, 佢仲要只剩番我鍾意的白色, 即買啦!!

 

原本見到電視都平幾千架! 想買, 但最後打過電話問啲専業人士, 都係話Panasonic電視好啲, 但一田無. 所以無買到.

要繼續努力搵平嘢!

後記: 男朋友原本成日話一定要買town gas, 我話好貴, 比Panasonic貴千多. 佢話無問題, 只要Panasonic有煤氣公司那個火仔標誌就可以. 我話, town gas 會肯將自己個logo火仔比人放咩? 同埋, panasonic都係大牌子, 又响大百貨公司買, 唔會唔合格啦! 最後佢話去問下...我話我唔明你個問題, 我唔識點問(因為我覺得個問題幾白痴), 你自己去問.

 

結果, 那個火仔唔咪town gas的, 是機電工程處給的. 而姐姐仔都話, 大百貨公司買得, 唔會唔合格囉! 一定會有証書.....唉...我都話架啦!

婚後新居 ~~ 2

新居已經開始裝修了! 這兩個星期, 都去了很多地方睇裝修的材料.

 

5月16日一行5人跟師傅到深圳一個叫五方城的地方揀厠所和廚房的牆磚和地磚,人多意見更多. 也感恩的是他的二家姐帶埋她的姑仔來湊熱鬧,讀過吓art的她給我們很多有用的意見,我哋才能順利完成!

5月21日佛誕,無啦啦在早上被通知去旺角揀磚. 無錯, 又係揀磚!! 今次係廳和房的磚! 點解唔响深圳揀埋? 因為錢多, 要用意大利磚囉! (希望大家係看得到我在單打). 又係你一言我一語, 這麼簡單的事, 又花了兩個鐘! 跟著便去看看厠所的潔具. 原來不同款式不同牌子的價錢差別是可以相差得咁大. 一個普通的屎塔(又叫大口仔), 可以是三,四千一個, 也可以是千多元一個. 那些水喉制, 也可以是二千幾蚊一件, 或者是千幾蚊一套四件. 有個idea, 就可以好好的計計budget.

 

這天不連早上跑步的一小時,我共行了8小時, 晚上對腳幾乎要斷. 雖然很累, 但卻瞓得很差, 一來腳太痛, 二來左想又右, 都想唔掂個budget, 唉...要成一頭家, 真係一件唔易既事. 結婚去了廿幾萬, 新居裝修, 傢俬電器又另外的廿幾萬. 如果想輕輕鬆鬆結婚成家, 真係唔儲定五十萬, 都唔好諗.

買了好平的姊妹裙

一直未能決定買/租姊妹裙, 甚至其實覺得佢哋自由發揮都ok. 租, 我又覺得不太抵. 買, 卻想買一些便服類的裙, 好讓她們之後平常日子都可以穿. 可是一直都找不到.

這幾天趁老闆不在, 不斷上網找資料, 又問很多不同的朋友, 本打算下星期去百利一轉, 怎知有一個朋友告訴我在觀塘廣場一間格仔舖看到有人寄買姊妹裙, 更貼了個地址, 可以上舖睇. 剛剛lunch time便去走了一轉, 這一轉不得了!! 竟然讓我找到它!!

 

 

 

 

 

買了五條現貨, 四短一長, 合共$480!!!!

當然因為咁平, 要自己回去加工同改size! 好彩, 四姊妹一伴娘, 當中有三個媽媽都是改衣能手, 叫她們試好身後, 便交給媽媽們修改修改, 再將這綠色絲帶換做橙色(my theme color), 便大功告成!! 完成後再post個final version比大家睇!! 其實條裙本身的綠色絲帶都很靚, 如果偷懶, 唔換橙色, 都ok. 不過還有五個月, 都應該不會偷懶了

好開心, 又完成一件事!!

下一步, 請帖是也 ~~~~

 

 

-5

仲有五個月就係結婚日子了!! 所有需要的事情都預備得七七八八, 只是間中在design下張觀禮咭同教堂行禮program, 都幾遊閒! 反而心理卻總像未能全面的預備好.

 

有時總在想做乜鬼當初要揀10月10日. 其實呢一個都係有段故. 很多人以為我是因為要十全十美, 才力爭要呢日, 其實呢一日只不過是因為080808北京奧運給我少少的啟示, 而原因並不是因為十全十美, 卻是烚吓烚吓, 好啱我呢個鍾意打邊爐而又呆呆地的人. 現在反而有點為10月10日而感到不開心. 一來教會有另一pair也會在同日, 雖然我們玩的group不同, 但教會的牧者都為出席那一邊而煩.

 

她由細到大都返教會, 媽媽是教會的資深長輩, 所以教會很多阿姨都會出席她女兒的婚禮, 當然連我認識的少部份阿姨都會出席. 可是我在教會亦也十五年了, 也一直是活躍份子, 也認識很多不同層面的人, 現在我們撞日, 搞到難為了很多人. 詩班也是一個問題, 雖然感恩地我教會是有兩個詩班, 而我也鎮守其中一個詩班多年, 可是每年兩個詩班都會在特別日子組成聯合詩班, 所以我跟另一個詩班的弟兄姊妹也有點認識. 原本很想我的婚禮也可以請到聯合詩班, 但現在卻不可能了, 要分一個詩班給她了. "分"..其實我真係唔咪好想用分呢個字.

 

其實有時候, 我都在安慰自己. 感恩是因為男朋友返另一間教會, 所以主禮人我可以搵他教會的牧師幫忙, 令我們不用爭自己教會的牧師做主禮人員, 也不用曾加他們更加多麻煩. 可是現在卻慢慢看到很多人應該都會去她果邊, 我就越來越唔開心.

 

除了這事情, 10月10日, 也令我有很多其他不開心和麻煩的事. 因為上年的9月9日給人吹捧得太利害, 故今年的10月10日也引起了一陣的熱鬧, 而這熱鬧也使我有很多決定在無好好想清楚和做好research的情況下做了出來. 例如影相和租衫, 都係因為當時心裡總有"很趕, 很多人, 很旺"這些字, 最後就全部決定都很趕, 也全部都總覺得有點遺憾.

激到條氣頂住頂住

其實我真係忍咗好耐, 但一次又一次的令我失望, 我真係唔可以再忍.

1月尾影完的那輯又貴又令人非常不安的外景, 到現在5月了, 乜都未有. 當然啦, 修片搞了一個多月, 美編又搞了一個月.

先講修片, 我已經响舖用白紙黑字寫得好清楚邊張要改同改啲咩, 第二次去睇, 都仲有8張要修. 之後就開始是email聯絡了. 再sent過來時, 佢哋竟然將我已寫了ok的相sent比我, 而要改的那8張, 好似只sent了兩張比我. 那時sales妹妹已打電話來say sorry, 話會幫我跟. 好, 算! 紏纏了一個月終於都修好晒.

到美編, 第一次sent過來, 完全不知所謂, 我唔識photoshop, 但我用powerpoint都一定會整得靚過佢, 無effect可言, 毫無誠意, 求其, 絕對係博我唔識嘢, 無要求. 自問我要求其實都唔高, 我都比過幾個朋友睇, 甚至我公司design的同事睇, 佢哋都話唔得. 後來sales妹妹又打來say sorry, 更勞煩到肥經理都打來say sorry, 話會幫我跟. 好, 算, 我繼續忍. 最後, 我更在她們的web site copy了一些佢哋啲客的美編相出來, 一張一張, 用個powerpoint打了個file出來, 叫佢哋照跟. 最後出來, 似樣番了. 只剩三張要再改一改.

剛剛昨天收到了那三張. 個美編已ok了 (當然啦, 阿媽用手捉住阿仔寫子, 一定寫得到架). 怎知...卻給我發現美編了的其中一張相, 竟然係用了未修相的相片. 點解我咁肯定, 因為我額頭有一條毛, 好礙眼, 所以我叫佢哋執走, 而佢哋又幾次都send了未執的給我, 來來回回幾次, 最後都成功收到.
現在唔覺意又給我見番條毛...救命...我真係唔知我15版的美編仲有幾多張相係用了未修片的相.

我真係很擔心, 我在收相簿的時候, 會發現入面的相全也是未修好的, 我真係會放火燒鋪, 一定會去消委會投訴佢哋貨不對版.

其實我要求真的不高, 我唔介意捉住佢哋隻手教佢哋寫字, 我唔介意花時間去睇佢哋website, 教埋佢哋點做, 甚至有一張相, 我叫我的design同事幫我諗點編, send個design比佢叫佢哋照跟, 我其實都幫了佢哋好多. 我其實只是期望佢哋做嘢小心啲, 有系統啲.
仲有, 好彩我預早咁多時間去影啫, 如果我婚期前半年才影, 我真係不敢想像.

呢間嘢影的相真係唔差, 但之後的服務就真係....只有一個字...亂.

現在, 我只希望我的相簿可以順順利利, 正正常常出到世. 唉~~~~