呢排愛上行山, 昨天已是今年的第三回合!
見擒日咁好天, 又咁好夜晚唔洗去奶奶度食飯, 梗係約埋朋友出郊遊下!
今次選擇了萬宜水庫! 嘩 ~~~ 我係第一次去啊! 好開心.
擒日我哋都唔算行得多, 大約三個鐘, 只係由北潭涌行入萬宜水庫.
萬宜水庫在"中國香港世界地質公園裡", 好勁! 呢排新聞又講多了, 因為話呢個地方, 响唔知幾多億年前係一個火山口, 最近再次確實!
最令我估唔到係, 個水塘係咁靚. 我平時最多機會睇到既只係馬騮山那個水塘(係咪叫金山水塘?), 絕對無萬宜水庫咁大, 仲要擒日天氣真係好到不得了,
所以水塘啲水藍到, 我唔相信响香港都可以見到咁藍既水.
跟住又會見到聞名已久既創興水上活動中心. 以前一直都只去大美督玩水上活動, 所以一直唔知原來創興係靚咁多.
行咗兩個幾鐘, 終於到堤壩, 見到呢舊石, 我哋嚟到既時候, 有個講解員咁啱講解員介紹梗呢舊石, 佢係有個名的, 不過我唔記咗 (人老了, 無記性),
但我記得, 每一舊都有25噸. 無錯, 係25噸!! 平時一架車都係1噸, 25噸真係好鬼重!! 响個堤壩, 足足有七千舊(如果無記錯)呢啲石, 真係好利害!
破邊洲
香港其實仲有好多地方都好靚! 要繼續行山, 繼續欣賞!! 亦希望政府唔好一味開發, 留番更多呢啲美麗地方比我哋郊遊!
沒有留言:
張貼留言