開心半週年結婚紀念

4月10日是我們的半週年結婚紀念, 不知不覺原來已經結咗婚半年, 真係好快!

由於4月係生日月關係, 所以langham group每年都會送張vocher比我, 請我食飯, 所以呢日我哋就借頭借路去了逸東食了個lunch buffet慶祝. $230兩位, 真係超值. 佢本身都係$188 + 10%, 仲要本身佢個buffet都係好得, 所以唔用vocher去食我都覺得值得! 比起我上星期同媽媽去美麗華(the mira)食dinner buffet 感覺好得多. 首先生蠔, 逸東係開好晒任攞, 啲生蠔亦好肥美. 反而mira就懶高級咁即排隊即開, 每次只比三隻, 超唔暢快. 魚生又係喎! mira又係要排隊, 逸東就任攞! 而其他熟食, 逸東都比mira好, 逸東係即燒羊架(我食了兩件, 超正), 但mira就只不過係炆羊腿, 差天共地啊! 逸東個羅宋湯又好味, 我老公亦大讚個切肉同叉燒. 最後兩間都係比movenpick雪糕, 但係唔知點解上次去mira食覺得好甜, 好"漏". 反而今次喺逸東我覺得係超好味, 我平時好少食雪糕, 亦對雪糕沒有太大喜好, 但今次真係覺得雪糕原來可以咁好味, 仲前後兩次total食了5個球!! 破晒自己的紀錄.