講下講下, 搞下搞下, 明天就係了!!
經歷了上星期六大喊五場的一天, 今個星期心情出奇地輕鬆, 塊面亦已經好番, 個人亦都幾精神! 明天一定要做靚爆新娘!!
昨天, 男朋友無啦啦唔知係幾時搵咗伴娘, 比了一封信佢. 咁我昨天去攞婚紗晚裝(因為佢哋今日做show, 所以比我早一日攞),
千辛萬苦抬那四套裙回到家, 她趁我走入厠所放了封信入我個袋, 我又咁啱有嘢放有個袋, 好快就發現了有一封信. 開初以為係伴娘寫比我,
去到火車站等車時拿出來睇才知原來係男朋友寫給我. 都好開心. 封信都只係話多謝我呢一年(搞結婚)的容忍..haha...真係忍得幾辛苦,
同埋話我知佢對將來的擔心同壓力, 佢好想我可以唔駛做, 只係扮靚靚同埋煮飯仔, 佢擔心比唔到最好的生活我. 其實都傻傻地, 我都唔咪真係啲想唔做嘢做少奶奶既人,
我又唔咪啲貪戀物質的人, 我個人好簡單, 開開心心, 有人愛護, 有人欣賞就得架啦! anyways, 睇完佢封信, 都開心既. 希望就如佢信入面寫,
我倆要信靠主, 由主做我們的頭, 帶領我哋走前面既路!!
沒有留言:
張貼留言