婚禮回顧 ~~ 褂

我半年前向上海街的永隆繡莊租. 我比101分!

老闆娘係我一年前去睇時已經令我覺得佢好nice, 未租都比影相. 所以半年後再睇, 都只係去永隆.

半年後我再去, 老闆娘依然勁nice, 仲搵到件勁靚的褂比我. 我唔咪租啲咩褂王褂后大五福小五福, 因為試過幾件, 越多金線銀線越著得我唔靚, 反而越多紅色越靚. 最後揀了呢件, 仲好平, 只係$500, 仲屈到佢送件睡衣比我. 租的時候都仲有少少緊, 不過我會瘦架嘛!

到9號去攞衫的時候, 再試, fit到呢, 連老闆娘都話好似度身訂做咁, 隔離的顧客都話勁靚勁啱身. 條腰好修, 總之就靚. 最靚就係個背面的鳳, 一大隻响背面, 好有動感, 好襯我.

原本唔想租褂, 因為阿媽有件大紅小鳳仙, 但奶奶話唔得, 最後去咗租. 好彩出來係激靚. 等我搵到張係全身同有背面的再post比大家睇. MUA那篇有兩張, 都睇到少少.