又忙又緊張的一星期

今個星期係我响呢間公司返最後一星期工, 忙到死. 因為唔想留低太多屎比接手的同事, 所以好多嘢都儘量做得幾多得幾多, 再加埋今個星期美國的大老闆們來港開會, 就更加忙. 成個星期, 晚晚都瞓得唔好, 係咁發夢, 有時係惡夢, 又有時係無無聊聊但又好緊張的夢, 更有時發夢已經返新工了.

今天好了, 有新同事來了, 今天便係咁過啲嘢比佢, 亦比埋個位佢. 因為我老闆走咗仲未請到, 所以我就好順理成章暫時坐去佢個位度, haha...可以做兩天managing director. 明天出外開會, 當然唔係我開, 我只係搞手, 睇頭睇尾, 走來走去的阿四, 所以整天都不在office. 星期五便是last day 了. 真係要離開呢個做左四年的公司, 要離開我的comfort zone, 所以呢排心裡都真係有點不安.

不過, 正如我之前講, 搵到呢份新工, 一切都好順利, 神一路的開路, 我相信這是神為我預備的新地方. 昨天新公司打來話我的background check 都clear了, 成個requirement process 的時間都係剛剛好, fit到爆! 星期一返新工, 新開始. 要努力啊!

唔知新公司有無機會可以上吓網, 同埋msn呢?