美酒佳餚

比老公發現有個美酒佳餚巡禮, 星期六便同埋佢, 仲有佢個fd一齊去. 約7:30响尖東站有shuttle去西九文化草皮, 兩條佬遲到半個鐘, 竟然要我一個去排shuttle, 好過份!

去到, 嘩, 癲多人. 真係估唔到會有咁多人去, 搭shuttle同的士的人入去多, 行去的人更多!

 

因為我皮膚敏感未好, 所以我都唔咪咁敢飲咁多, 只是老公攞的每小杯我都痴一啖來, 不知不覺, 可能都有飲了大半杯或者一杯
不過最開心的是, 我見有啲特色小食, 咸肉腸$30, 便買了一份來食, 又幾好味噃! 跟住老公見人攞住碟芝士, 又話要食, 佢話芝士配酒, 好啱喎! 我警告了他, 如果佢唔咪真係食, 唔好買, 我唔想最後要幫佢吞晒啲芝士. 一份$50蚊, 有四舊不同款的芝士. 老公個朋友又買了份ham, 又放响我碟嘢度, 咁佢哋週圍試酒的時候, 我就慢慢咁嘆芝士咸肉.

好彩我自美國回來後愛上了芝士, 最後差不多成碟芝士同咸肉都係我食晒 肥死! 最衰無影低呢四款芝士係咩名, 四款都唔同, 一款淡啲, 一款好濃, 一款好咸, 一款好"穌". 最後好"穌"果款, 我都只係食了三小口, 老公試都唔感試.

可能因為我碟"拼盤"太吸引, 好多人都看著我碟"拼盤", 起碼有五六組人走過來問我响邊度買. 有時候, 我企响路中間, 或者响啲舖旁邊等佢哋試酒時, 我覺得我似派梗試食囉. 好搞笑!

不過, 下年老公再叫我去, 我唔去了. 人太多, 又咁多間, 都唔知應該試咩. $10一張券. 可以換一杯(應該係三啖咁上下), 好似都幾貴. 有啲仲要兩張, 三張, 或四張先換到果三啖, 仲貴! 同埋, 其實我對酒無咩研究, 真係無謂晒時間, 晒體力了. 等佢自己同朋友去好了!

其實我真係幾小器

同一個題目再次出現, 或者我真係幾小器.

上個月我幫朋友搞生日飯局, 有啲誤會, 有啲唔咪好開心的事發生, 不過最後飯局都完成了, 無嘢事發生.

跟住又到10月的飯局, 經過上一次, 無人覆, 提議餐廳又比人暗話之後, 今次我就梗係唔多事啦. 終於擒日都有人出email約食飯. 十月壽星係今日生日, 昨天先有人搞, 哈~~

 

而今次搞呢個飯局的人就正正係上一個月暗話我 "i perfer to let the birthday star to choose what to do" 果個朋友. 昨天佢一出個email, 响最後一句, 佢就寫"至於地點和菜式, 就再定, 應該都是油尖旺, 我個人認為最好坐圓枱, 方便傾偈, 如有建議, 請提出." 咦~~~~ 乜唔咪由生日果個去決定咩? 今個月得一個壽星, 仲好, 只係一個諗就ok, 大家就晒佢咪得囉! 但點解今次佢會提出話, 如有建議, 請提出呢??? sorry, 我真係唔明, 點解上個月我提出咁多建議, 最後比人話我, 應該要留番比生日人去建議, 但今次就咁既? 我真係唔開心. 所以我亦無覆個email話我去唔去, 亦更加無出建議.

跟住, 今日見到兩個人回覆, 其中一個回了話: "等我努力找找又圓枱又方便聊天又方便大家出入的食店先~" 睇完呢個回覆, 我就更唔開心, 大叫偏心偏心~~~ 點解上次啲人連覆到唔覆, 今次就有人咁積極去幫手諗. 可能真係親疏有別, 或者更有可能係, 佢哋已經唔咪好鍾意我了. 咁不如算啦, 以後呢啲生日飯局唔駛預我了, 橫樹你哋都唔鍾意我咯. 我自問自己盡心盡力去對你們呢一group人, 如果人哋因為生咗仔, 可以有啲事情改變了, 而你哋又覺得無問題, 而又因為我嫁了, 有啲同樣事情改變了, 所以你哋唔鍾意我, 我真係無話可說, 你哋要疏離我, 我都無法.

今個月的飯局, 我真係唔想去. 對唔住, 我真係好小器的.

渡海泳

停辦三十幾年的渡海泳, 明天再舉行了! 咁有意思的活動, 點可以錯過呢?! 我唔咪去睇呀! 我係去游!!!!

經過9月中的水試, 我成績都唔錯, 用了32mins 游了1500米, 即係30個塘, 其實都幾慢, 差不多一分鐘一個塘...想當年只係30幾秒就游到50米啦! 真係老咗! 就咁我就好順利入圍. 我見其他人啲record, 癲架! 男子組, 我見最快果個係19mins游完1500米, 而女子組最快都只係21mins游1500米, 真係癲架!

好彩, 我一心只係諗住入到圍, 攞到個資格參加便算, 從來無諗過要游到幾多名之內, 更當然無諗過攞獎啦! 所以明天...其實我係打算hea住游的

呢兩個星期, 都好落力練水, 每次都游足1800米. 希望明天順順利利, 唔駛比人救上水.

 

因為在鰂魚涌返工, 所以星期四lunch, 捉埋個同事, 同我去渡海泳的終點上岸位視察. 明天我就由對面游過來. 好似都幾遠. 間中諗諗吓都擔心游唔到. 不過如賽事所說真的是1800米的話, 就應該無問題.

 

呢啲就係以100蚊報名費換來的"禮物". 據說明天上水仲有毛布, 拖鞋同tee, 都幾抵!

最感恩, 也驚訝老公比我游. 開初問佢我可唔可以參加, 佢口裡就話, 你想游咪游囉! 但係個樣係無咩表情, 點點無奈, 但又唔敢話唔比果隻. 但係我真係好想參加, 停辦30幾年復辦第一屆, 真係好想成為當中一份子架. 我知佢係好擔心我. 呢幾天不斷叫我小心啲, 唔好整親有傷口 (因為啲水污糟), 又唔比我打邊爐同食魚生, 佢怕我搞差個腸胃, 容易出事. 今晚, 每一個鐘行過又講, 明天小心啲啊! 又叫我不如帶條小白布, 有咩事就fing布求救. 傻傻地, 我唔想上電視囉!! 仲有, 明天佢仲會去終點等我添! 今次比起馬拉松更有危險性, 反而更見他的支持! 我真係好感動呀! 老公, 我唔會有事架! 

不知不覺, 我嫁咗一年了!

啲時間真係過得快到無朋友, 轉吓眼, 有時候都仲諗緊點解我會嫁咗既時候, 我同陳生就已經完成了一年的路程.

擒日又係10月10日, 是我們的紙婚記念. 好多人問我會唔會放假慶祝. 傻既, 其實都只不過係一年之嘛! 一年一啲都唔難過, 嚟梗既五年, 七年, 十年, 廿年......到時先放假慶都唔遲啦! 所以今年大家各自返工. 而晚上就去我們上年擺酒的逸東酒店食自助餐. 免費的, 逸東上年送給我們週年紀念用的.

呢排因為工作關係, 連續幾個星期都有buffet食, 食到已經想死, 所以面對呢餐buffet, 有點....真係無興趣! 加上原來逸東的dinner buffet同lunch buffet食既嘢, 原來差不多, 都係咁少, 就更加提不起勁!

但, 週年紀念, 又點可以咁平淡, 所以天父便給我們呢個1週年紀念日加了一點色彩, 呢啲色彩, 今天仲留响我的面上, 我估都要多幾日先退.

話說, 無咩嘢食, 見到蒸魚(我的最愛), 便夾了舊嚟食. 吞的時候都無嘢, 到食羅絲粉的時候, 突然覺得個喉嚨好痛. 唉...哽骨 跟住咪吞吓其他嘢, 又飲吓水, 又咳吓, 都唔得, 呢個時候我已經成面紅晒, 流晒眼水. 老公就話去攞啲菜比我, 响佢出咗去既時候, 我狂咳, 勁想嘔, 好不容易等到佢返嚟, 即刻衝入厠所, 都未閂得切門, 見到個屎塔, 就已經嘔了一堆嘢出來. 跟住咳下, 又吞下口水睇下條骨出嚟未, 又好似仲响度, 吉吉地, 咪再大力咳多兩下, 再嘔多少少, 終於都無吉住.

但响出廁格後, 見到個樣...唉...係勁恐怖, 對眼腫晒, 係似剛剛勁喊完果種, 然後我一貫的嘔吐後遺症當然唔會執輸出來贈慶一番, 就係眼肚同魚尾紋位出了好多紅點點, 係嘔的時候chok到啲微絲血管爆咗, 塊面依家就好似人哋好多雀班咁, 不過我啲班係紅色. 返到屋企, 原來咀角同下巴都有. 好慘. 我知我一向嘔都會咁 (感恩我其實好少嘔), 但今次都係史上最嚴重的一次了.

不過我都好勁, 嘔完出來, 又繼續食雪糕hahah...但回程返屋企時, 條氣管就好唔舒服囉.

呢個, 就係我們結婚一週年的回憶了!

兩年前的今天

曾經見過有個blog友, 有個求婚紀念日, 咁啱記得, 等我又來個求婚紀今日.

兩年前的今天, 我墮入了陷阱 XDDDDD, 他向我求婚! 慾知詳情, 就搵下我頭果幾篇BLOG啦!

昨天, 我們各自活動, 他回到家, 都沒什麼特別, 我就响房上緊網. 佢返到嚟, 我就出去招呼下佢, 又去下厠所. 跟住見到梳化有個好卡通的膠袋, 心諗...又買玩具?! 然後我又繼續上網. 到差不多嘞, 我就關機. 咁我用NOTEBOOK的, 如常合埋個SCREEN, 就見到呢隻嘢企咗响本NOTEBOOK後面. 佢話係一週年禮物(我哋上年101010結婚)

 

當然我果隻係一隻毛公仔, 不過懶影相, 有機會先!

佢叫HANGYODON, 係SANRIO多年前出過的一隻水怪公仔. 我曾經都幾LIKE佢架! 有一次同佢行玩具商場, 見到呢隻水怪的錢箱, 好靚, 我話了佢知, 我以前都幾鍾意呢隻嘢, 不過無出LU. 剛剛上星期再行玩具商場, 個錢箱無了, 只得番毛公仔. 估唔到佢竟然走去買比我. 呢一隻是人家的珍藏版, 1991年出產. 遲啲真係要影張相比大家睇.

 

 

 

望住隻水怪, 又就突然發現我由細到大鍾意的公仔, 都係啲人哋覺得醜樣的公仔.

細細個鍾意加菲貓, 跟住又鍾意咸蛋超人, 跟住就到大口仔, 水怪, 到現在的金金, 全部都係有點其貌不揚. 然後我又諗起有一個姊妹, 在我結婚後曾經同我講, "估唔到你最後會揀個單眼皮的老公!" HAHA...其實可能係我既隱藏既嗜好!

今個假期...幾好!

如果大家仲記得既話, 我前陣子有一篇blog係話放假好煩! 但今日呢個重陽節就已經有改進了!

首先我預先同我老公講, 一係就問佢阿媽肯唔肯出尖沙咀或旺角飲茶, 如果佢唔肯, 我老公又想要見下佢阿媽,就請他自己去葵興見了(我們家住將軍澳).

結果, 今天, 勁! 我倆瞓到十點幾!! (註一下先: 我哋平時星期六日放假都會好早醒, 今日真係好勁架! 尤其是我, 瞓咗十個鐘!)

跟住, 老公就打比佢阿媽, 問佢出唔出尖沙咀飲茶, 佢ok喎! good!

跟住, 我又打比我阿媽, 問佢出唔出, 又ok喎! 仲good!

咁就可以一次過同兩個阿媽飲茶, 公平之餘, 亦非常有經濟效益! excellent!

去咗頂好飲茶, 啲义燒真係超正! 最重要唔駛等好耐位! perfert!

飲完茶仲一齊去行永安, 買咗兩個濾水器, 一個我哋, 一個我阿媽! 將軍澳啲水(可能只係我哋屋苑)啲水真係唔咪好得. 我以前住沙田, 層樓20幾年, 都未試過厠所廚房sink盆的去水口係會發霉的, 仲要係抹了, 好快又會圍了黑邊. 後來有一次等lift的時候同隔離屋的太太傾計, 佢都話呢度啲水好差, 佢哋都裝了濾水, 所以就買了個. 今日仲好抵添呀. 英國老牌子, 原價12xx, 現售488. 真係開心!

行完永安, 兩個媽媽便回家, 我同老公就行去旺角, 做了要做的事, 食埋個飯, 就回家!

返到屋企都只係8點, 睇完電視, 見無聊, 便落去跑步. 又報了渣馬, 要開始練習了!

今樣既假期, 又充實, 又有意義, 真好!