兩年前的今天

曾經見過有個blog友, 有個求婚紀念日, 咁啱記得, 等我又來個求婚紀今日.

兩年前的今天, 我墮入了陷阱 XDDDDD, 他向我求婚! 慾知詳情, 就搵下我頭果幾篇BLOG啦!

昨天, 我們各自活動, 他回到家, 都沒什麼特別, 我就响房上緊網. 佢返到嚟, 我就出去招呼下佢, 又去下厠所. 跟住見到梳化有個好卡通的膠袋, 心諗...又買玩具?! 然後我又繼續上網. 到差不多嘞, 我就關機. 咁我用NOTEBOOK的, 如常合埋個SCREEN, 就見到呢隻嘢企咗响本NOTEBOOK後面. 佢話係一週年禮物(我哋上年101010結婚)

 

當然我果隻係一隻毛公仔, 不過懶影相, 有機會先!

佢叫HANGYODON, 係SANRIO多年前出過的一隻水怪公仔. 我曾經都幾LIKE佢架! 有一次同佢行玩具商場, 見到呢隻水怪的錢箱, 好靚, 我話了佢知, 我以前都幾鍾意呢隻嘢, 不過無出LU. 剛剛上星期再行玩具商場, 個錢箱無了, 只得番毛公仔. 估唔到佢竟然走去買比我. 呢一隻是人家的珍藏版, 1991年出產. 遲啲真係要影張相比大家睇.

 

 

 

望住隻水怪, 又就突然發現我由細到大鍾意的公仔, 都係啲人哋覺得醜樣的公仔.

細細個鍾意加菲貓, 跟住又鍾意咸蛋超人, 跟住就到大口仔, 水怪, 到現在的金金, 全部都係有點其貌不揚. 然後我又諗起有一個姊妹, 在我結婚後曾經同我講, "估唔到你最後會揀個單眼皮的老公!" HAHA...其實可能係我既隱藏既嗜好!