美酒佳餚

比老公發現有個美酒佳餚巡禮, 星期六便同埋佢, 仲有佢個fd一齊去. 約7:30响尖東站有shuttle去西九文化草皮, 兩條佬遲到半個鐘, 竟然要我一個去排shuttle, 好過份!

去到, 嘩, 癲多人. 真係估唔到會有咁多人去, 搭shuttle同的士的人入去多, 行去的人更多!

 

因為我皮膚敏感未好, 所以我都唔咪咁敢飲咁多, 只是老公攞的每小杯我都痴一啖來, 不知不覺, 可能都有飲了大半杯或者一杯
不過最開心的是, 我見有啲特色小食, 咸肉腸$30, 便買了一份來食, 又幾好味噃! 跟住老公見人攞住碟芝士, 又話要食, 佢話芝士配酒, 好啱喎! 我警告了他, 如果佢唔咪真係食, 唔好買, 我唔想最後要幫佢吞晒啲芝士. 一份$50蚊, 有四舊不同款的芝士. 老公個朋友又買了份ham, 又放响我碟嘢度, 咁佢哋週圍試酒的時候, 我就慢慢咁嘆芝士咸肉.

好彩我自美國回來後愛上了芝士, 最後差不多成碟芝士同咸肉都係我食晒 肥死! 最衰無影低呢四款芝士係咩名, 四款都唔同, 一款淡啲, 一款好濃, 一款好咸, 一款好"穌". 最後好"穌"果款, 我都只係食了三小口, 老公試都唔感試.

可能因為我碟"拼盤"太吸引, 好多人都看著我碟"拼盤", 起碼有五六組人走過來問我响邊度買. 有時候, 我企响路中間, 或者响啲舖旁邊等佢哋試酒時, 我覺得我似派梗試食囉. 好搞笑!

不過, 下年老公再叫我去, 我唔去了. 人太多, 又咁多間, 都唔知應該試咩. $10一張券. 可以換一杯(應該係三啖咁上下), 好似都幾貴. 有啲仲要兩張, 三張, 或四張先換到果三啖, 仲貴! 同埋, 其實我對酒無咩研究, 真係無謂晒時間, 晒體力了. 等佢自己同朋友去好了!