南乳炸雞雞

去旅行前, 同老公, 同埋媽媽去了花園街街巿裡面的熟食檔, 食了一味南乳炸雞球, 之後老公一直念念不忘, 旅行前中後都不斷話要食, 但又無咩意慾出去旺角.

擒日响度諗"今晚食乜餸"時, 就諗起南乳炸雞, 不如自己整啦! 跟住就上網. 結果又成功喎! 老公比咗95分個. 是我第一次的炸物, 有咁既分數, 開心

我响街巿的凍肉鋪買了三塊起咗骨的雞脾肉 ($29.5) 買了一磚南乳 ($5)

回家先洗淨, 切好一舊舊, 我先落咗啲調味雞汁醃咗一陣, 跟住就成磚南乳放入去狂撈, 再落糖. 醃20-30mins

跟住就 yam 粉, 預備炸. 大約滾油炸5-8mins啦, 視乎你切得幾大舊.

最後我用咗半樽油, 分了兩次炸. 好浪費. 所以我昨天亦買了個油壺 ($20), 將啲炸完雞的熟油裝番起, 留番之後炒菜用. 應該都有排用了! 後來同媽媽講, 佢教我下次用半煎炸方式, 就唔駛用咁多油, 亦有炸脆效果.

同場亦蒸了條倉魚 ($30), 清炒了生菜 ($8). 是日晚餐$92.5, 仲夠我今日帶飯. 啲雞都仲剩幾件. 我亦留咗幾件未 yam 粉, 想今晚試下用光波爐, 睇下好唔好味. 如果都ok, 下次就唔駛炸. 點講, 炸嘢都係唔健康, 太油了.