keep住間中都會看到一些jm會為住姊妹們而唔開心. 睇完佢哋的分享, 都好感受到佢哋的唔開心, 同時亦為著我有一班好好的姊妹而感恩.
當決定了結婚, 姊妹的名單一早已經出了. 除了有一個美國的好朋友, 因為同日响美國有個fd搵佢做伴娘, 所以返唔到嚟, 我便要換人.
但換人的過程亦相當順利, 好快亦搵到一個好朋友頂上. 其實連伴娘七個姊妹團, 有五個都是教會團契的弟兄姊妹(嘻...無錯, 的確係有弟兄,
有兩個相識十幾年的好弟兄會做我的男姊妹). 亦因為七個裡面有五個都係彼此認識同勁熟, 所以就好辦事了!! 其中一個姊妹更為我一手包辦接新娘遊戲,
叫我完全唔駛理, 唔駛擔心! 真係令我感動!
跟住其中一個姊妹亦會擔任我晚宴的司儀. 前排比佢睇我哋個blog, 剛剛前兩日佢話我知終於睇晒, 好開心佢咁賞面睇晒,
因為其實我都比過另外一啲fd睇, 但其實如果唔咪浦開blog的人, 基本上唔會咁有心睇晒. 佢話我知, 佢話想睇吓, 攞下靈感做司儀時有用. 聽到之後,
我真係超開心同感動.
又另外一個男姊妹, 佢話會請一個星期假來幫我執嘢. 保証我結婚當日一切順利. 我自己都只係打算星期五才開始放假,
但佢竟然話願意放一個星期假來幫我.真係好開心囉!
其餘的姊妹, 其實仲有其他唔咪做姊妹的朋友和同事, 都一個一個間中走來問下我, 有無嘢要幫手, 又拍晒心口話有咩嘢要幫手即管開聲,
一定二話不說幫我.
人生有如此多好朋友, 真係不枉過! 最重要, 都係感謝天父, 賜咁多天使响我身邊!!
沒有留言:
張貼留言