原本定了9月12日過大禮, 突然男家今日話可唔可以改做9月5日, 咁咪即係今個星期日囉! 完全係殺我們一個措手不及囉! 原因...覺得12日才過大禮,
會唔夠時間派帖喎!
咁我就即刻打比阿媽問佢星期日得唔得啦! 但佢話唔咪好得, 被book了可能有工作要做.
轉個頭電話响, 未來奶奶打來問...駛唔駛咁心急啊!!唉
咁我就話比佢知, 媽咪話時間未必得, 而且未預備好.
跟住未來奶奶便連珠發炮: 其實你哋無咩要準備喎! 只係將我哋送過去的東西, 全部抽番一半出來回番比我哋咪得囉! 我擒日見差唔多時間,
都即刻好辛苦咁自己走去買晒啦! 再者, 我哋都好早寫好咗張紙比你哋, 話仲有咩其他嘢要回啦(佢係指褲同銀包)! 你哋都唔咪依家都未買, 就算唔改時間,
都得2個星期, 都唔咪衣家都仲話未預備好......"
呢番說話, 如果同媽咪講, 實開戰, 我亦必成為炮灰......
姊妹們, 其實過大禮, 女家仲要預備啲咩?
沒有留言:
張貼留言