擒日心血來潮, 煮咗四個餸, 仲要响半個鐘搞掂, 都幾利害...
見上次响大澳買的金蠔都擺咗一段日子, 所以就攞出嚟食埋去. 老公好鍾意食香煎金蠔, 但上次佢自己整失敗咗, 今次等我出馬.
先用薑蔥水煮一煮的金蠔. 抹乾後用少少油煎, 到差不多睇落有啲脆身, 就底面搽蜜糖, 再煎一煎, 就ok. 好好味!
跟住再試煮多次上次煮得唔夠味的美極炒雞軟骨. 今次我爆香啲蒜蓉, 然後落雞軟骨, 炒到有九成半熟再落美極, 超香, 連啲蒜蓉都好有避風塘風味.
見上面兩味都唔咪好飽肚, 就煎埋豬扒, 好簡單, 只係响佳寶買咗兩塊香茅豬扒, 慢火煎熟就ok. 佳寶啲香茅xx 醃得唔錯.
最後係腐乳唐生菜, 都係好簡單. 記得用腐乳炒菜, 最後都係要落番啲salt, 釣啲味出嚟. 我原本唔知, 老公講的, 咁啱老公講果日,
織哥個節目又係咁講. 少少得架啦! 如果唔咪就會太咸.
最開心...當然係四碟餸都清晒, 而老公又讚好好味啦!
沒有留言:
張貼留言