隔山打牛

上次提到公司 8 人, 前兩日, 我利用咗一個機會隔山打牛咁話佢, 唔知佢聽唔聽得明呢?

話說佢同我講, 有個隔離team的同事約佢星期五食飯, 問我有無興趣, 又講話呢個同事想問關於我哋team一個就走既同事既嘢.

 

我就同 8 人講, 我唔鍾意同呢個同事食飯, 佢太 8 了. 佢又唔同我哋同team, 又同那個將走人無咩工作關係, 人哋走, 關佢咩事啫? 我又話埋, 上次食飯, 那個同事已經好煩, 佢自己又唔識我條team的人, 又無咩工作關係, 連邊個打邊個都唔知. 咁食飯時, 我哋講起一啲人, 佢就係咁問邊個嚟呀? 形容比佢聽佢又無idea, 咁好心佢收聲唔好問啦, 靜靜哋聽唔得既. 跟住我又順手同 8 人講, 話我最憎啲人咁 8, 咩都問, 連唔識既人既嘢都要問, 討厭到死. 最後, 佢以一句, i agree with you, 我哋既對話就完了.

 

希望佢領悟到我係話梗佢啦! 依家, 我儘量日日帶飯, 唔想比機會佢叫我一齊食. 廢事煩.