日本國家旅遊局香港辦事處

四月假期我會去沖繩自駕遊, 咁一路搵緊資料, 同行朋友搵到鰂魚涌有個日本國家旅遊局香港辦事處, 咁我响鰂魚涌返工, 頭先趁LUNCH TIME就過去睇吓, 諗住攞張地圖, 想問下我個行程得唔得, 會唔會有門卷賣...之類

怎知....

上到去, 打開門...

 

 

一個人都無, 只係得一張枱, 一排格仔櫃, 放咗少少資料咁. 分好地區. 咁我再望下...噢...

 

 

不解答任何旅遊諮詢 , 咁呢間嘢响度做咩?

不外借火車時間表 我唔覺有火車時間表囉.

不影印任何資料 我唔覺有印影機, 又無人, 印咩?

不額外派發旅遊小冊子 我攞多幾份, 你都唔知啦, 都無人.

仲要講本局並非旅遊諮詢中心, 咁有無人可以講我知, 呢度係做咩? 响太古坊租兩個單位, 絕對唔咪平, 如果只係攞普通小冊子, 不如全部upload上網, 比啲人download咪仲好. 十萬個不明白.

anyway, 最後, 該辦事處有關沖繩的資料, 只有一份.

 

地圖. 好過無. 唔該晒. 好彩我响隔離返工啫, 如果我係專登過嚟, 只係得到一份地圖, 我會......嘔血.