我又畫下畫

想玩呢個數字油畫好耐, 終於上星期同個fd一齊買咗幾幅, 我要一咗一副, 擒晚啲起心肝, 執好張枱, 開壇作畫!

一開幅畫出嚟, 第一個感覺係 ~~ 捉蟲. 乜啲格咁鬼細, 實填出界啦! package裡有兩支畫筆, 一支粗啲, 一支幼. 後來用幼果支油細格, 就感覺好啲.

 

 

 

睇怕我都要用兩個星期至一個月先可以完成. 加油!!

 

同場加影:

比老公哦咗我好耐的青蛙仔, 終於到手. 特別鳴謝澳洲小姐mavis幫忙搜尋及購買.

 

 

 

故事係, 我去澳洲, 見到一啲得意公仔都會影, 我個低B老公, 就話我做咩唔買公仔比佢. 話我明知佢鍾意呢啲公仔, 都唔買比佢. WELL...我唔咪唔知, 唔知既話, 都唔會影比佢睇. 我只係唔想助長佢買公仔既習慣.

結果, 我就比佢哦咗我就快半年. 曾經請一個一月去澳洲旅行的朋友幫我, 可惜去到同一個地方, 青蛙仔已經走咗. 本來想上網睇下啲AMAZON有無, 就搵到呢隻, 但係個shipping cost貴到痴根. 最後同澳洲小姐mavis傾開, 原來佢見過, 就請佢幫我買. 真係百萬二分感激. 你化解了一宗家庭紏紛!

我趁老公去沖涼放响佢電腦上面, 佢見到當然好surprise, 好開心啦! 希望佢以後唔好再為呢隻青蛙哦我了!