見到個價錢就笑到傻咗

今日又約了幾位靚太網友食飯. 約了7:30在旺角, 6:30我就去到了, 於是又入朗豪坊逛逛, 一逛就出事, 不過呢個出事, 係小事, 因為個價錢真係開心到笑. 間舖買一件三折, 兩件以上二折. 即係一件200蚊的衫, 折了係40蚊.

首先見到一件紫紅色的樽領衫加個小bow tie, 就係折了只賣40蚊, 仲平過我係uniquo買件75蚊的樽領衫. 跟住睇下睇下, 就買了四件. 有一件, 哈哈哈, 原價449, 折了只賣89.x, 真係睇到張單都忍唔住笑了出來. 又會平得咁緊要. 不過我估啲衫應該係上一季. 都唔緊要啦! 我揀的款其實都係啲大路款, 無所謂!

 

 

張單...真係睇得人好開心架!!! 買完打比老公, 一路講, 一路狂笑, 老公話我傻.

新年大把新衫著lu...好開心!