拍賣後感

今日又賣咗一對鞋, 前前後後都响yahoo賣咗四對鞋.

係咪好奇怪我點解咁多鞋賣?

因為我有先天買錯鞋病

永遠試的時候覺得啱

返到去著第一次就瀨嘢

最後啲鞋係著一次/兩次就長眠

咁抹乾淨, 噴消毒藥水, 咪試下放上網賣

買家唔介意二手鞋, 咪買囉

唔買, 我又繼續放, 直到永遠, 阿們.

介意的, 都唔會上網買鞋啦

依家屋企仲有兩對待賣

賣過幾次嘢, 發現有好多人都唔明咩叫拍賣

以我認知, 拍賣係, 有個起標價, 有個底價

有興趣就落標 (即係落bid), 到咗限期, 就價高者得

但呢個價, 都要meet到底價, 先可以成交

即係如果起標係$500, 底標係$1000

最後價高者bid的係$800, 都唔可以成交, 因為meet唔到底價

呢個就係拍賣

yahoo拍賣多一樣嘢, 叫做直接購買價

即係如果你唔想等bid期完結就已經想買, 可以按呢個制

通常正常都會set個直接價會比較高

但係唔知點解, 我次次post拍賣, 都有啲奇怪人問啲奇怪問題

好似今次我賣對波鞋

起標$200, 底價 和 直接購買價都係 $300

亦寫明不接受議價, 不會回覆議價問題

但總係有人問"可以$200直接購買嗎" <===今次有兩個

我都費時答

有一個就問, 乜唔咪一落bid就係果個價咩?

朋友....知唔知咩叫拍賣

呢個朋友仲要已經有300幾個評分, 即係佢已完成過300的交易, 但佢唔知咩叫拍賣

我想話, 如果可以講價, 呢個叫買賣, 唔咪叫拍賣

我亦想話, 唔識字, 唔好學上網買嘢, 話明不接受議價咯! 明唔明啫?