父母離婚, 其實我現在一年只見我阿爸一兩次, 是有點不孝, 可是我真的無那份熱心去找他.
星期五哥哥打來問要不要跟阿爸食飯, 我話只有星期六可以
便約了他星期六在葵芳, 約六點
永遠....係永遠....都要遲半個鐘以上
由以前媽媽三催四請才肯埋位食飯, 到現在每次出來食飯都要遲半個鐘以上, 都是我極為討厭的
約六點, 六點十五分都仲响屯門剛上車, 頂!
食飯都無咩, 我有我同阿哥阿嫂傾計, 他則默默食飯
食飽飯屎忽痕就無啦啦講教會唔比佢受浸
又無啦啦唔知做咩講到我阿哥的教會, 無啦啦批評人家的教會
佢自己覺得唔適合, 唔去, 轉去第二間咪轉囉
咪批評人咁無品先得
又明知我哥係好保護自己教會, 亦唔聽人意見, 做咩無啦啦挑戰佢呢?
跟住又攞張紙出嚟, 寫晒話聖經邊度邊度講神係要我哋生兒育女
我相信我哥曾經同阿爸已經討論過呢個話題, 阿哥亦講得好清楚佢哋係唔會生
最後咪鬧交囉! 我阿哥就急急腳埋單走人
留低我同老公帶阿爸去地鐵站
然後佢就轉移視線, 攻擊我
話人哋個個退咗休就弄孫樂
呵~~ 原來一句到尾, 又係諗自己, 覺得自己無孫玩, 無面
我當然亦都不甘視弱, 回應一句: "你就玩得開心, 係咪你比錢養. 你玩完好開心, 然後就比返我?"
我都廢事詳世講我既原因, 因為佢既層次, 係唔會明的
我係絕對唔會為人去生小朋友
跟住就話, 如果個個都好似我哋咁諗, 亂世唔適宜生仔, 人類咪會滅種?
佢又真係好笑, 邊有咁易
我識得沒有plan or 意外有咗既人, 絕對多過決定唔生既人囉!
好啦好啦...咁樣鬧一鬧, 下次見面, 或者應該都要等做冬或過年了!
沒有留言:
張貼留言