呢排都唔知做咩
先來個皮膚敏感, 搞到隻手花綠綠, 到依家都未退晒
星期一晚去食飯, 冷氣凍過雪房, 結果返到屋企, 勁頭痛
星期二起身, 仲有啲wing wing地, 結果無返工
今朝起身, 又胃痛. 開初都只係少少痛, 白痴既我仲走去食yoghurt, 結果係喪痛
個肚仲脹到連褲扭都扣唔埋
一邊坐地鐵返工, 一邊痛到標冷汗, 仲要今日架地鐵超大風同凍
真係胃痛好返都變做感冒
返到公司, 痛到坐唔直, 行到行唔到
最後頂唔順, 同老闆講聲, 早走去睇醫生
近呢半年痛密咗, 一個月總有一次.
唔咪M痛, M痛都無依家咁痛呀!
所以最後都係叫醫生寫紙比入院照胃鏡
約了下星期三入院, 星期四照
希望入面無咩事啦!
除了身體唔多好, 運氣都超差
話說七仔最近咪換麥o麥足總盃公仔.
我一直只心儀那隻小龜龜輝輝
咁我都唔咪強求既, 儲得齊貼紙咪去換囉!
星期六有人比咗廿幾個我, 加埋我之前之後的6,7, 8個
就可以換到兩個
第一個抽到的是...講波佬校長
我相信沒有任何人係想換到佢囉! 唉....但我抽到.
頭先再抽到二個, 是.....扭身扭勢miss chan
應該亦都沒有人想佢囉!!
我相信如果我點都要抽到輝輝, 我應該都要抽齊成套兼有重複, 都未必抽到了!
所以....最後老公幫我以40蚊買了輝輝回來
米晒時間晒錢買埋啲無謂嘢去儲貼紙了
沒有留言:
張貼留言