好充實的週末

今個週末, 好充實, 好productive!

星期六, 瞓得充足. 老公七點幾醒了, 想嘈醒我, 比我話鬼佢, 我未瞓夠. 最後九點幾起身.

收拾咗一陣, 蒸了三隻小糭食.

本來好想去進行我2012年下水禮, 但見個天都唔知想點, 怕去到沙灘落雨(我哋好黑仔架), 最後都無去

12:30pm 阿媽打嚟, 鬧人唔去睇阿婆 (入咗院). 唉....佢今次住私院, 幾時去都得啦, 我既週末先剛剛開始. 好激氣!

跟住決定先同老公出去踩回單車, 卻讓被我們發現了有條新單車徑去康城. 超正呀!

 

跟住回家沖個涼, 就出發去仁安探婆婆. 佢都幾精神. 然後媽媽又帶嘢來比婆婆食, 我跟住就走, 回教會練詩.

練完詩, 同老公, 同埋伴郎仔去食辣辣雞煲, 跟住便回家了!!

星期日, 成功同老公申請不回奶奶家食飯, 理由是"溫書"

所以返完教會, 同fd食完個bunch後便回家

返到屋企都只係一點, 吸塵拖地, 睇埋套無聊玉女添丁, 再幫老公燙了九件恤衫, 都只係四點

再開始溫書 (係一邊睇my tvb的 )

溫到6:00, 整啲嘢食, 再休息一陣, 落去跑咗一個鐘

咁就一天! 多麼充實!

總好過返完教會, 漫遊浪費青春等返奶奶度食飯! 如果每個月都比我有一個自己的星期日, 我會開心啲囉!