其實自細非常討厭跑步, 我是”水上人”, 比較喜歡游水, 參加過泳會和學校的泳隊, 亦喜歡各樣水上活動. 但叫我跑步, 我就晒手擰頭. 甚至去美國讀書, 都胆粗粗參加他們的泳隊. 直至大學最後一年, 學校要重建, 拆咗我最愛的泳池, 坐不定的我心想, 窮學生無錢買球拍, 又不中意打波, 我還可以做什麼運動呢? 跑步啦, 有腳就可以跑步啦! 於是就參加了學校既Cross Country隊, 這算是開始我跑步既生涯. 起初都頗辛苦, 亦因為無特別買專用的跑山鞋, 試過練到膝頭痛到行不到. 可能我體內都有少少長跑所需的耐力和恒心基因, 即使痛, 我又繼續跑, 跑跑下又沒有再痛喎! 奇…
畢業後便無再跑了, 回到香港, 都最多只是間中游下水. 直到09年, 因為打算10年結婚, 要當個靚新娘的我, 當然要減下肥啦! 但, 出去游水, 閒閒也都要$20次, 想慳得一蚊得一蚊來結婚的我, 又再穿起跑鞋, 落街跑公園, 這一定是最平的運動.
由最開初住油麻地, 跑櫻桃街公園來回兩轉, 到後來搬回大圍, 由大圍跑到沙田翠榕橋(即過咗沙田運動場果條橋), 到10年年尾忽發奇想, 不如報11年的渣馬半馬啦! 就這樣開始了我跑馬拉松的日子.
報11年半馬都不是太順利. 當年10年10月開始報, 剛好那時預備結婚,處於如火如荼階段, 完全是臨上機去蜜月才記得我要報名, 於是立即打電話比我朋友, 比我的資料她, 請她幫我報. 可惜, 到埗後收到訊息說已經滿額了, 好失望. 再等多一年的話, 這團火可能已經熄咗. 但都無法, 滿了就是滿了.
這樣考意思考耐力考體能的活動, 天父絕不容我逃去!!! 到了12月, 有日放工坐巴士回家途中聽收音機, 新聞竟然話有好多duplicate application, 所以就有些位放回出來. 嘩…即時用電話上網報名, 成功~~~
這一次半馬的成績係2:38, 其實不算好. 在長跑網看見好多師兄師姐的第一次半馬已經是2小時內, 我其實跑得真慢. 不過, 能夠完成, 我已經好心滿意足, 況且, 第一年, 哈…作為一個不專業的跑手, 當然有停下來影相啦!
12年, 又想跑多次, 要跑得專業一點, 絕不可停下來影相, 看看成績會怎樣, 於是再報名. 出來成績有很大進步架, 係2:28:29. 哈…也有10分鐘進步喎! 但這之後, 開始有點悶了.
13年, 其實不想再跑, 怎知有兩個朋友話好想跑, 於是就陪佢們又報多次. 這次進步更多, 有廿分鐘進步, 成績係2:08. 看見這樣的進步, 便令我更想繼續跑. 加上多了兩個朋友一同跑, 亦可一起去參加更加多不同的馬拉松賽. (待續)
沒有留言:
張貼留言