起身執好行李就去搵早餐, 我發現北海道唔似得首爾,
係無乜咖啡店, 亦係話好難搵早餐食. 記得擒晚行賣物公園時見到mos
berger, 於是就決定去mos食個西式早餐, 又等兩位咖啡朋友可以飲番杯咖啡醒醒神.
沿路來回又再睇下啲冰雕, 好多都完成得九九十十了.
跟住就開車返札幌, 見有啲時間就去咗幾間百貨公司秒殺.
我殺了對香港搵唔到我size既跑鞋 (大腳妹一名), 又幫朋友殺了隻東京馬拉松既限量手錶.
然後又繼續上路, 去定山溪溫泉. 呢晚住溫泉酒店㖿!!
咁啱定山溪有雪灯節喎! 放底行李便出去走走,
都好靚呀!
食飽又去浸溫泉. 不過呢, 呢間所謂溫泉酒店
(所謂又來了), 我覺得麻麻. 我一心諗住溫泉酒店是在溫泉街,
好古色古香, 入面既溫泉除了有室內, 亦會有室外, 等我可以頭頂感受住飄雪, 下身就浸在溫泉裡. 可惜, 這間酒店係好酒店,
一座大廈式既酒店, 溫泉亦好細, 所謂既室外亦是有瓦遮頭的, 完全沒有大自然景色.
沒有留言:
張貼留言