擒晚入黑先來到定山溪, 所以今日第一站就係睇番定山溪.
就係咁囉….
呢隻河童我好想好想好想買. 原本酒店一人比了一個500yen既購物coupon我哋,
我可以在酒店既小店買, 點知在我想買既時候, 賣晒!!! 原價2100yen,
減了變成1600yen都仲覺得ok, 但2100yen買隻公仔就….最後落到出面既小店無coupon,
我死都唔肯買. 影底當買咗. 哼!
返到札幌就係我哋今次行程既終極目的….札幌雪祭.
好多好多好靚(都有唔靚), 同好大,
大到好誇張, 成個舞台佈景咁大既立體冰雕.
睇完雪祭, 就去拉麵橫町食弟子屈拉麵, 據說好出名.
跟住返二條巿場攞海鮮, 我哋都買咗隻蟹, 一排蟹腳, 兩條一夜鮮(定一夜乾?),
同埋一盒三文魚子, 實在太愛三文魚子, 可以成匙咁放入口, 真係滿足開心到唔識形容.
攞完海鮮就去了Sapporo Beer Museum. 無料入場,
都OK多嘢睇. 真係好鍾意日本人既童心.
咁正經既一個展覽館, 佢整佢哋製造過程既模型, 都係用好可愛既公仔, 而唔係呆呆板咁痴啲假人仔. 睇得我好開心.
是日晚餐, 响札幌車站下面既商場食了個好豐富既餐, 仲叫了飲品放題, 我飲咗4杯唔同味既水果酒.
大滿足㖿!
之後司機要去散一散酒氣, 又去咗行Yodobashi, 係一間好大好大既電𠾖公司, 講得出既家電都有, 仲有電腦, 相機,
手錶, 玩具, 遊戲機,
日用品都有. 我諗係無衫褲鞋襪啫.
就係咁, 呢個行程就到尾聲了, 明天便走了. 是晚住千歲那邊既酒店, 呵,
出奇地好喎! 竟然有溫泉喎! 比我哋既三人房, 除了有兩張單人床, 仲有個日式他他咪位喎!
地方亦好闊落. 下次可以再住.
沒有留言:
張貼留言