呢日有酒店早餐食, 好多嘢食, 仲有納豆添. 呢樣嘢真係十個有十一個都接受唔到, 但唔知點解, 我又食到喎!
食飽飽, 就去富良野起司工房, 學做牛油. 我哋係包班教學, 哈!
去到材料已經預備好了, 仲有張有中英日韓文既instruction,
基本上唔洗知老師講乜都可以做. 先將罐嘢係咁搖, 搖10-15mins, 佢會變水, 再搖就會杰咗,
仲要搖就會變了水同粒粒分開, 跟住倒咗啲水, 將啲粒粒壓走晒啲水, 加啲salt, 咁就係牛油啦!
好似好易咁. 搖咗10-15mins, 都唔咪野少, 我呢啲做開運動既咪無咩囉,
我老公搖得最慢, 我個fd就第日手痛,
呵!
工房出面又有好靚既雪樹林, 啲雪深到上膝頭.
跟住我哋去咗一個叫職人木製創作(クラフト舘),
成間店都係賣木頭, 老公又响呢度買咗隻雀. 仲有好多其他嘢都好靚, 只可以影低當買咗, 例如呢盒朱古力, 同呢隻碟.
是日午餐响拉麵村, 揀了梅光軒, 我FD話係最好喎! 味道ok,
但真係超大碗. 日本既辛, 同韓個既辛真係好唔同.
呢個trip試過幾碗所謂既辛, 都唔係好辛.
拉麵後就去北海道傳統美術工藝村, 睇個雪乜鬼展覽, 其實只係show雪唔同既形態, 仲有就係呢度乜鬼都係用雪花做圖案. 呢度有一個大hall, 係可以要嚟行婚禮, 都幾靚. 仲有埋衫租架!
 |
影到個雪地日落景.
|
跟住就開車去旭川了. 我哋之所以去旭川係因為佢有一個所謂全球最大既雪祭,
見我用得所謂, 就知假嘢啦! 最大果件, 仲要唔係立體, 其他只係一啲簡單既公仔, 唔係特別靚. 呢個雪祭既重景係呢條好長既冰滑梯, 我當然有玩啦! 仲係全場叫得最大聲果個 (即係其實係無人會叫)
跟住去番賣物公園果邊, 反而呢度勁多勁靚既冰雕喎! 似乎佢哋有比賽, 而個比賽應該係過一兩日, 所以個個冰雕都係under construction 趕工中. 大多數都完成80%, 真係勁靚, 好仔細.
是日晚餐, 串鳥 = 串燒.
味道好好, 但環境一般, 好污煙脹氣,
因為日本係可以响店裡食煙, 所以就係煙味加串燒燒烤味, 食到一身古精靈怪既煙味.
食飽就返酒店了! 咁啱冬澳喎, 日本電視又有播, 呢啲最好,
唔洗識聽佢講乜都知做梗咩, 好好睇.
沒有留言:
張貼留言